Mateo 19:4 - La'aqtaqa Ñim Lo'onatac 'Enauacna 2013

⁴ Nache So Jesús 'enapeco': –¿Saisheto' peta'a da qautaxaỹaxañi' naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna? Anamaye nanettalec co'ollaq cheta'ague da do'onataxan Ñimaye, nache ỹo'ot so ỹale qataq aso 'alo da yaqto' nmayaxau'.

Nuevo Testamento Toba Sur

⁴ Nachi so Jesús 'enapeco': –¿Sa ishito' peta'a da qautaxaÿaxañi qami' naua ñiyigui'shi l'aqtaqa ñi Dios dam 'eetec ñimayi co'ollaq chita'ague da do'onataxan, nachi “i'ot so shiÿaxaua qataq aso 'alo”?

Nuevo Testamento Toba Sombrero Negro

⁴ Jesús 'yategueta jogaa'me: —¿Qo'li ja auec'achiñe jodaa'me nedii's: qoyediñe queda'me joca'li yemta, «Dios ye'et ñe'me jiyaĝaua nataq'aen yauo»?

Mateo 19:4 Referans Kwoze

Génesis 2:23

Qaq somaye co'ollaq ila'a asomaye, nache ỹa'alaxalec 'enapeco': «¡Ana'ana nachana ana maiche ỹapachiyaxaua, qataq maiche ipi'inecỹaxaua! Anamaye le'enaxat qome ‹'alo,› cha'aye Ñim Lo'onatac 'Enauacna ỹachegoxotaigui nam ỹale.»

Génesis 1:27

Nache Ñim Lo'onatac 'Enauacna ỹo'ot so shiỹaxaua, ỹe'enaxatchigui da maiche lataxac Ñimaye, ỹo'o't soua ỹale qataq aso 'alo.

Génesis 5:2

ỹo'ot so ỹale qataq aso 'alo, nache ỹanema so no'on la'aqtac. Qaq se'eso na'a'q, co'ollaq ime da ỹo'o't soomaye, nache Ñimaye ỹanagui da le'enaxat shiỹaxau'.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Lucas 10:26

Nache So Jesús ỹasateguet somaye, 'eeta': –¿'Auaỹaten peta'a nam nanettalec ana lereguishepi so Moisés?

Génesis 2:18

Qaq ime nache Ñim Lo'onatac 'Enauacna maye Nataxala' 'enapeco': «Sa ỹaỹamaxañi da 'oonolec da shiỹaxaua. Aỹem so'ot qome ca ntaunaxaua.»

Mateo 22:31

Qaq de'era lataxac qom qaltaq nca'alec na leuaxaicpi, qalaq qami' iuen da qautaxaỹaxañi ana nere maye huetalec na la'aqtacpi Ñim Lo'onatac 'Enauacna maye, 'eeta':

Mateo 12:3

Nache Somaye 'enapeco': –¿Saisheto' peta'a da qautaxaỹaxañiỹapec da 'eetec so David co'ollaq huo'o so na'a'q somaye qataq soua lỹata'ape co'ollaq ỹataqta ỹaguec na lqouaqa'?

Marcos 12:26

Qaq de'era lataxac da qaltaq qanca'alaxatec na leuaxaicpi, qalaq ¿saisheto' peta'a da qautaxaỹaxañi aso lere so Moisés, qataq yem hueta'a da na'aqtaguec aso qo'oipaqole maye 'ettaigui, qalaxaye saishet da ỹoqta ỹavic asom netaigui co'ollaxa Ñim Lo'onatac 'Enauacna da detaqtague' so Moisés? Co'ollaq Ñimaye 'enapeco': «Aỹem maye Nachaỹem Natameetacot co'ollaxa so Abraham, qataq so Isaac qataq so Jacob som 'auachegoxogueta.»

Marcos 12:10

¿Saishet peta'a da qantooñic dam nanettalec ana nere maye huetalec na la'aqtacpi Ñim Lo'onatac 'Enauacna maye, 'eeta'?: ‹So coma' maye ỹo'otan co'ollaxa, som ỹo'oxootac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Marcos 2:25

Qalaxaye So Jesús 'enapego' somayepi, 'eeta': –¿Ỹataqta saỹauano' peta'a da qautaxaỹaxañi da ỹo'ot so David maye nanettalec ana nere maye huetalec na la'aqtacpi Ñim Lo'onatac 'Enauacna, co'ollaq so na'a'q da so Abiatar lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna? Da so David qataq soua lỹa't huo'o da lta'araic lhuenaxanaqa' qataq ỹataqta iqoua't. Nache somaye pa'aigui so lauo' Ñim Lo'onatac 'Enauacna, nache chec aso nauole maye nda'a't nam ntaxaỹaxanaxanecpi da qaitaxaỹapegue' Ñim Lo'onatac 'Enauacna da ishet da chec, ime qataq ỹache't soua nnaictagueto. So Jesús nataqa'en 'enapeco':

Mateo 21:42

Nache So Jesús 'enapeco': –¿Qami' peta'a sa ỹauanapego' da qautaxaỹaxañi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna maye, 'eeta'?: «So coma' maye ỹo'otan co'ollaxa, som ỹo'oxootac añi no'onaxanaxaqui late'erai nacheso nagui som ỹe'eguelaxa da ỹataqta nhuenec da qaỹo'ot ca nỹec. Qaq damaye ỹo'ot da qara'aalaxa, cha'aye nacheñi Ñim Lo'onatac 'Enauacna maye ỹo'ot de'era.»

Lucas 6:3

Nache So Jesús 'enapeco': –¿Saishet peta'a da qautaxaỹaxañiỹapec da nanettalec ana la'aqtac lmalate Ñim Lo'onatac 'Enauacna da 'eetec co'ollaxa so David, qataq soua lỹa't da ỹataqta iqoua't?

Mateo 21:6

Nache soua lapaxaguenataqa je'c tareua'a so nỹecpi da ỹo'o't dam damaxasoxoolec So Jesús.

2 Crónicas 24:3

Qaq so Joyadá, ỹaronaxanegueta co'ollaxa so Joás soua dos 'alol, nache huo'oi soua llalqa ỹale't qataq soua llalel 'alo.