Biblia Todo Logo
Bib sou entènèt

- Piblisite -




Mateo 19:22 - La'aqtaqa Ñim Lo'onatac 'Enauacna 2013

22 Qalaxaye co'ollaq hua'axaỹa de'era so nsoq nache ỹataqta daquico, cha'aye somaye ỹataqta sallaxanec.

Gade chapit la Kopi

Nuevo Testamento Toba Sur

22 Qalaxayi co'ollaq hua'axaÿa de'eda so nsoq, nachi ÿataqta daquico, cha'ayi somayi ÿataqta sallaxanec.

Gade chapit la Kopi

Nuevo Testamento Toba Sombrero Negro

22 Ca'li domachiya da'me dojo' ñe'me jiyaĝaua, qama'le jalcote totelegue ca'li ec, qa'a yataqachiñe jalcote da'me leuoyaĝac ñe'me.

Gade chapit la Kopi




Mateo 19:22
17 Referans Kwoze  

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.


Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.


Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.


Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.


Cha'aye qami' qauaỹaañita da ca ncachetague' aca sa lhua, huo'otaq ca ỹo'ottac ca deshepaxanaqtaxan, huo'otaq ca saishet da machiguiñi na'aictaxa da qalota na hueto'otpi, camaye saishet da inoxoneua'a da lo'onataxanaxac So Cristo qataq Ñim Lo'onatac 'Enauacna. Cha'aye nam ỹo'ottacpi ỹataqta qauem 'eeta'am da qanatameetacot ca choche ne'enaqtac qataq saq 'en.


Qalaxaye so ỹale co'ollaq hua'axaỹa de'era, nache ỹataqta ỹaquicoqchet, ime, nache jec ỹataqta daquicota, cha'aye ỹataqta sallaxanec.


Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?


Qalaxaye se'eso ỹale co'ollaq hua'axaỹa de'era, nache ỹataqta daquicota, cha'aye somaye ỹataqta sallaxanec.


Nache so nta'a Herodes ỹataqta daquico. Qalaxaye mashe ỹan so la'aqtac maye 'enapec da ipacchigui, qataq souaxat so lquia'axauapi maye hua'aqchigui co'ollaxa somaye, nache damaxasoxoolec da qoỹami' asomaye so iỹaxanaua'a.


Nache so nta'a ỹataqta daquico, qalaxaye mashe ỹan so la'aqtac da hua'aqchigui naqa'en so lcoyeguenatacpi, ỹoqo'oye saishet da sa ipaguelec da ỹan dam qaiỹaxaneua'a.


'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.


Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.


Nache So Jesús 'enapegalo soua lapaxaguenataqa, 'eeta': –Ỹataqta 'eesa de'era qami' sa'axatema, da ỹataqta huo'o da lqalaic na sallaxanecpi da inoxoneua'a da lo'onataxanaxac Ñim Lo'onatac 'Enauacna maye imattalecna da la'añaxac.


Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.


Swiv nou:

Piblisite


Piblisite