Mateo 19:16 - La'aqtaqa Ñim Lo'onatac 'Enauacna 2013

¹⁶ Huo'o so nsoq naua'a So Jesús, nache inattac, 'eeta': –'Am Napaxaguenataxanaq ¿negue't cam ỹoqta ỹaỹamaqchiguiñi da so'ot, da yaqto' huo'o ca ica'alaxa chochaq tatec?

Nuevo Testamento Toba Sur

¹⁶ Nachi anac so nsoq da nau'a so Jesús. Nachi inat, 'eeta': –'Am soxodaic mayi 'auapaxaguenataxaatac, ¿négue't cam so'ot ÿaÿamaqchiguiñi, da yaqto' huo'o ca ica'alaxa mayi chochaq tateec?

Nuevo Testamento Toba Sombrero Negro

¹⁶ 'Uo ñe'me jiyaĝaua yec'ata ñe'me Jesús, qama'le yachimaĝata: —Paĝaguenataĝanaĝaic, ¿jach'e ga'me 'noota ta'le ja'uo qaedi jauana da'me 'yoyaĝac 'me ja 'naidena'a?

Mateo 19:16 Referans Kwoze

Judas 1:21

Qataq ima'ape naua na'axa'te da qanaquichiỹa'a da lauotaxanaqtaic Ñim Lo'onatac 'Enauacna, qataq qauacheeta'a que'eca na'a'q da So Qarataxala' Jesucristo, qomi' ỹanema ca qanachaalataxac chochaq tatec, cha'aye Somaye nataqa'en qomi' lauotaqa'ate.

Juan 3:15

yaqto' 'enauac nam Aỹem ỹa'amaqten, nache saishet da ileu, nachaqrata da huo'o da lca'alaxa maye chochaq tatec.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Tito 3:7

Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

1 Juan 2:25

cha'aye So Cristo qomi' ỹachaxanapecoto ca nca'alaxa maye chochaq tatec.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

1 Timoteo 6:19

Yaqto' huo'o ca lsallaxa cam natauo na'a'q qataq nachera da ỹauegueua'a da lactapiguiñi da huetaigui cam achaalataxac maye chochaq tatec.

1 Timoteo 6:12

'Ana'añaxaaleco' qome da 'arpi'iỹaxac, yaqto' ishet da 'anauec da achaalataxac maye choche tatec. Cha'aye de'era achaalataxac nachera da huo'omshe 'am iỹaxana Ñim Lo'onatac 'Enauacna, qataq qalota co'ollaxa na 'am ỹauaachigui da 'aua'axattac de'era 'arpi'iỹaxac.

Hechos 16:30

Ime, nache nqatre'c soomaye, nache inatta'ape, 'eeta': –Ỹale't, ¿chaq hua'ague ca sheetec, da yaqto' ñeca'alec?

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Juan 12:25

Ca ndotec da ỹauotec da maiche nachaalataxac, nache camaye ishet da deqat, qaq cam sa ỹauotec da nachaalataxac nagui da ñaq hueta'a ana 'alhua, nache camaye qaỹaỹamaxat da nachaalataxac da yaqto' chochaq tatec.

Juan 10:28

Qaq Aỹem sanem da lca'alaxa maye chochaq tatec anamayepi. Huaña, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaqỹaxac anamayepi,

Juan 6:68

Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

Juan 6:47

Qaq ỹataqta 'eesa de'era qami' sa'axatema, da cam Aỹem ỹa'amaqten, nache 'eesa da huo'o da lca'alaxa maye chochaq tatec.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Mateo 19:29

Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

1 Timoteo 1:16

Qalaxaye ñaqaiyeta Ñim Lo'onatac 'Enauacna aỹem ichoxoren, cha'aye Ñimaye nshetaique da aỹem la'auaxanec da do'onataxana naqa'en So Jesucristo da ỹachaxana na shiỹaxauapi da lhualaxavic lta'araic. Cha'aye ỹauotaique da aỹem naloqnaxanaxat, yaqto' ca shiỹaxaua ishet da ỹa'amaqten So Jesús, qataq ỹaconeguet da nca'alaxa maye choche tatec.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Mateo 19:15

Nache So Jesús ỹashel-lec na lqaic ñi 'oonolec so ñaqpiolec, qaq co'ollaq ime, nache ca'ai se'eso 'alhua.