Mateo 19:13 - La'aqtaqa Ñim Lo'onatac 'Enauacna 2013

¹³ Huo'o aso nate'elpi ỹauegueua'a so llalaqpi So Jesús, da yaqto' Somaye ỹashel-lec qataq da natameelec somayepi. Qalaxaye soua lapaxaguenataqa So Jesús nlaqtrega asomayepi.

Nuevo Testamento Toba Sur

¹³ Nachi huo'o so qanauegueu'a ñaqpiolec so Jesús, da yaqto' somayi ishit da ÿashil-lec qataq da natameelec. Qalaxayi soua lapaxaguenataqa nachi nlaqtrega nam nauectapegueuo na ñaqpiolec.

Nuevo Testamento Toba Sombrero Negro

¹³ Uo'oe ga'tae'me ñoqolqa qoyaueta ñe'me Jesús qaedi yachalo'te naa'me loua' jogaa'me nataq'aen netamelo'te; qalaĝaja jogaa'me lapaĝaguenataqa nelaĝalo ca'li jogaa'me yauedeuo.

Mateo 19:13 Referans Kwoze

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

1 Corintios 7:14

Cha'aye Ñim Lo'onatac 'Enauacna ivira'a da ỹaconeguet qome ca ỹale souaxat da huaroneguet aca ỹa'amaqteetac So Cristo. Nataqa'en ivira'a da ỹaconeguet aca 'alo souaxat da huaroneguet ca ỹale maye ỹa'amaqten So Cristo. Nataqa'en ca llalaqpi caamaye Ñim Lo'onatac 'Enauacna ỹaconeguet da ỹalecnoigui na lalamaxatpi, qaq saishet da imaqa'aguet camayepi da 'ena'am naqa'en ca nshepaxan.

Mateo 20:31

Qaq so shiỹaxauapi nlaqtegalo soomaye da yaqto' ỹe'emaqte'. Qalaxaye soomaye qaltaq nquigaxattre'c da la'alaxa'c, 'eetra': «¡'Am Qarataxala' maye 'am Lca'aguishec Ñim Lo'onatac 'Enauacna, qomi' 'auchoxore'n, qataq qomi' 'autaua'n!»

Mateo 16:22

Nache so Pedro iỹotauga So Jesús, nache ỹataqta 'enapega souaxat da nasaxauec de'era, nache 'eeta': –¡Ñim Lo'onatac 'Enauacna 'am ntelaqna'aguet qome de'era 'am Ỹataxala' da yaqto' saishet da huo'o ca qouaigui!

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

1 Samuel 1:24

Qaq co'ollaq mashe ỹaxaañi da l-llepaxac so nogotolec, qalaxaye somaye ñaq qapio'olec, nache ỹauegueua'a aso atamnaxaqui maye lalamaqte Ñim Nataxala' maye naña ye Silo. Nataqa'en ỹauegueuo so huaca llalec maye mashe ivi' soua tres vi'iye, qataq so veinte litro so 'ayiiña, qataq aso 'oonole lo'oc na shiguiỹac nlaqchigui so lataxa.

Génesis 48:1

Qaq co'ollaq qaỹata'ague de'era, nache qaỹa'aqtaxanem so José da so lta'a ỹataqta sa no'on. Huaña nache so José jec da nqo'ona somaye, nache ỹaue'c soua dos llalqa Manasés qataq so Efraín.

Mateo 19:12

Ỹoqta 'eesa da huo'o na saishet da huaron, cha'aye maiche nacte' da lataxac. Qataq huo'o na saishet da huaron, cha'aye huo'o ca na'aqchet da lo'ocỹaxac. Qalaxaye nataqa'en huo'o na shiỹaxauapi da saishet da huaron souaxat da huotaique da nalemaqte' da do'onataxanot Ñim Lo'onatac 'Enauacna. Ỹoqo'oye de'era napaxaguenataxanaxac talec nam maiche lhuennataxac da nache 'eetec de'era da lataxac.