Mateo 18:8 - La'aqtaqa Ñim Lo'onatac 'Enauacna 2013

⁸ Qaq ỹoqo'oye cam ỹo'ot na 'arhuaq huo'otaq na 'arapia' da huo'otaq 'am ỹaueeguet da sa 'aualaxaguet Ñim Lo'onatac 'Enauacna, qaq no'on da 'aucheguec, nache 'auỹotaxateueegue da 'auasaxauec. Cha'aye ỹaỹamaqchiguiñi da 'aunoxoneua'a da nca'alaxa, na'aictaxa da 'oonolec na 'arhuaq huo'otaq na 'arapia', qalaxaye saq 'ena'am da 'am qaỹasaxangui ca norec maye nhuaxanaqa' na 'etaxaloxoicpi da nalota't naua 'arhua'q qataq naua 'arapia'ate.

Nuevo Testamento Toba Sur

⁸ Qaq ÿoqo'oyi na 'adhuaq huo'otaq na 'adchi da ÿauo'o ca 'adasouaxashit, qaq no'on da 'auchigueec, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, nai'ctaxa da 'oonolec na 'adhuaq qataq na 'adchi, qalaxayi saq 'en'am da 'am qaÿasaxangui ca nodec da 'adÿaueeguelo naua 'adhua'q qataq naua 'adchil.

Nuevo Testamento Toba Sombrero Negro

⁸ “Qo'che' qom na'me adouaq uotaĝa adapia' auachiyoĝotaye da'me aua'uo ga'me adoec, qama'le ¡'noota qom avichaĝayi qama'le aueguem! Qaedi adiyamaqa'teguet da'me aue da'me at'oyaĝac queda'me am uayodaĝaic uotaĝa am jopo. Yataqata ja 'noota ta'le nalo'ta't naa'me adoua' nataq'aen naa'me adapia'te da'me am qoyijaĝaue di'me dole' jo'ne ja 'naidena'a.

Mateo 18:8 Referans Kwoze

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

Apocalipsis 20:15

Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Ezequiel 18:31

Qoquiỹa'ai qome 'enauac nam qauemsat maye ỹo'ot da Aỹem qauataiỹa'aguet, nache qanpogoxoiñiỹapegue' da dalaxaic da qarquiyaqteỹaxaqui, qataq da saq cha'a qarca'alaqai. ¿Ta'ainco' taxa da qaullivi qami' Israel le'ecpi,

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Lucas 14:33

Ỹoqo'oye camachaqca ca huotaique da ỹapaxaguenatac, nache 'onaxaic da nataqa'en deuennataxaatelec da huo'otaq ishet da ỹañoxot da ỹaxanec 'enauac nam hueto'ot.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Lucas 16:24

Nache so sallaxanec iỹaxana so Abraham, 'eeta': «'Am ita'a Abraham, aỹem 'auchoxoren. 'Anamaq na Lázaro, da yaqto' ipet na llaxaata lsheenec ca 'etaxat da yaqto' ipet na ỹachaxat. Ten ỹapactec da ñeque'eenaxac da sootangui ne'ena norec.»

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.