Mateo 18:6 - La'aqtaqa Ñim Lo'onatac 'Enauacna 2013

⁶ Qalaxaye da huo'o ca ỹo'otec nam saq 'amaqtaqpiolec maye Aỹem ca'attague' da ỹaxanec da lpi'iỹaxac Aỹem, nache camaye no'on taxa da qaicoñera'aguet na lqosot ca coma' lta'araic, ime nache qaỹasaxangui na laiñi aca auaxai.

Nuevo Testamento Toba Sur

⁶ Camachicague't shiÿaxaua da huo'otaq ÿasouaxateguet ca lasouaxashit ca 'oonolec ne'ena qaica ca l'amaqchic mayi aÿim i'amaqteetac, nachi camayi no'on da ÿataqta qaÿasaxangui na laiñi aca auaxai, qoÿaxatot na lqosot ca namaicnaxanaxat coma'.

Nuevo Testamento Toba Sombrero Negro

⁶ Nataq'aen enaac joñe'me Jesús: —Gamachaqaega ga'me jo'ne en tauelo daa'me loeco nat'olqa jo'ne maliaĝa 'najodolqa 'me jayem p'iida'a, qama'le 'noota da'me qoyecoñeteguet ga'me qa' t'adaic jo'ne dejali ga'me loqojot, qama'le qoyajaĝañgui ga'me noĝop let'adaic qaedi domaliñe.

Mateo 18:6 Referans Kwoze

Marcos 9:42

Da huo'o ca ỹo'otec ne'enatai' saq 'amaqtaqpiolec maye Aỹem quetague' da ỹaxaañi da Aỹem pi'iỹa'a, nache camaye no'on da qaicoñero'ot na lqosot ca lta'araic coma', ime, nache qaỹasaxangui aso auaxai.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 18:14

Qaq 'era da 'eetec nataqa'en ñi Qarta'ai maye neta'ague da piguem, da sa ỹaỹamaxaren da deqat ca 'oonolec ne'ena maye qaica ca la'amaqchecpi qataq da nache 'eetai' da qaỹoqta Ñimaye.

Salmos 105:15

«Saishet da qaupocheeua'a na lleca'aguishecpi, qataq saishet da qauo'ochec ca qauem na ỹa'aqtaxanaxanecpi.»

Romanos 14:21

Qaq ỹoqo'oye 'onaxaic da saishet da qanallec na lapat qataq saishet da qanỹomgui na lataxa qataq saishet da qaỹo'ot ca camachaqca lỹa cam ishet da huañi naqa'en ca na'amqaanataxanaxaua.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Hechos 9:5

Nache so Saulo denataxan, 'eeta': –'Am Ỹataxala', ¿negue't 'am? Nache se'eso nvilỹaxac qataq 'enapeco': –Qomye Nachaỹem Jesús, Nachaỹem maye Aỹem 'aucaatac. ['Am 'eeta'am da maiche 'anque'emaqchettapeguela't, qoneta'am da 'eetec ca nauegaxanaxala' huaca da maiche ỹasottapeeguet aca na'araxanaqte.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Mateo 18:5

Qataq ca souaxat da Aỹem quetague' da ỹaconeguet ca 'oonolec nogotolec 'ena'am ne'ena, nache camaye Aỹem ỹaconeguet.