25 Qaq se'eso namaxashic, somayi qaica ca deshiitenaxana. Nachi se'eso n'aco' damaxasoxoolec somayi da qaimen da chochi nlatac, lÿauegue' aso lhua, qataq so llalaqpi, qataq 'enauac na logoxoshitpi, da yaqto' ishit da qaishiiten aso lavigaxaiste.
Nataqa'en namayepi 'enapec: Cha'aye ỹoqta 'eesa da maiche qomi' nhuo' le'ecpi, qaq ỹoqo'oye na qoyalaqpi nache 'eeta'am na qaỹa'alquipi. Qaq ta'ainco' da nache qomaqta da semenaq na qoyalaqpi ỹalleppi, qataq 'alpi da yaqto' qaỹauo'o nlatacpi. Qataq saseshetaq da ñe'eguelaxataxala't, cha'aye na qana'alhua qataq na qorañiguishe uva lma' mashe lalamaxat na ỹaqa'a.
Huo'o aso 'alo, maye lhua co'ollaxa so 'oonolec so na'aqtaxanaxanecpi, asomaye 'enapega so Eliseo, 'eeta': Som ihua maye 'aramaxashec co'ollaxa, somaye ileu, qaq 'am 'auaỹaten da somaye ỹataqta huo'o naq 'enec naqa'en Ñim Nataxala'. Qalaxaye anac so lavigaqtaxanaxala', nache huotaique da ỹaue'c soua dos ỹalqa da yaqto' ỹauo'oi l-lataqa.
Qaq da huo'o ca maiche 'arhuo' le'ec da ivita da ỹataqta choxoraq, nache 'am imenot da nachaalataxac. Nache da 'auo'onataxanaxan camaye, qalaq saishet da 'eeta'am 'anqa'en ca lỹa nlatac.
Huaña, nache shenapega somayepi, sheeta': «Qomi' ỹataqta huo'o da qarhuogoxo da yaqto' ishet da ñe'eguelaxataxala't na maiche qarhuo' le'ecpi, maye qaimenoigui co'ollaxa so ỹotta'a't shiỹaxauapi da ỹauo'o l-latacpi. Qaq nagui qaltaq maiche qami' da qaumiñiitac na qaralamaxache qarqaỹaipi, maye mashe ñe'eguelaxataxala't co'ollaxa.» Nache 'enauac somayepi ỹataqta ỹe'emaqtom, cha'aye saỹaỹaten ca 'eetec ca lasataxac.
Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.
«Da huo'o ca desheenaxana ca hebreo le'ec da yaqto' l-latac, nache camaye seis vi'iye da do'onataxaatac qanqa'en, qalaxaye ca vi'i siete nache camaye huesoueeguesop da nlataguec, qataq saishet da iuen da ỹauo'o aca lsheetenaxanaqte.
Qalaxaye da huaigui ca na'a'q, nache da l-leuaxa camaye lasouaxashet que'eca dalaataxan. Qaq que'eca cachaxaic, camaye iuen da isheeten ca lcachaxat, qalaxaye da huo'otaq qaca aca alom da isheeten, nache camaye iuen da qaimen yaqto' isheeten ca lcachaxat.
Qaq co'ollaq mashe naloqteetega't aso navigaxaiste, nache qanauegueua'a so 'oonolec maye ivi' aso sesenta millones aso anom maye chegaqaigui na lcat plata aso lavigaxaiste.