Mateo 18:23 - La'aqtaqa Ñim Lo'onatac 'Enauacna 2013

²³ De'era lo'onataxanaxac Ñim Lo'onatac 'Enauacna, damaye 'eeta'am da 'eetec da huaigui co'ollaxa som ilotague' so 'alhua. Se'eso nta'a iỹaxaneuga so lamaxashecpi da huotaique da ỹaỹaten ca 'eetec cam tata'ague da lo'onataxanaxac qataq da naloqna't añi lavigaxaiste somayepi da yaqto' ñi 'oonolec somayepi desheetenaxan.

Nuevo Testamento Toba Sur

²³ Qaq ÿoqo'oyi de'eda l'onataxanaxac ñi Dios mayi neta'ague da piguem, damayi 'eeta'am ca nta'a mayi huotaique da naloqna't aca lavigaxaiste ca lamaxashicpi.

Nuevo Testamento Toba Sombrero Negro

²³ “Qa'a da'me lejaliaĝa ñe'me Dios 'me ne'tague di'me piyem ena'am ga'me jaliaĝanec jo'ne jetaque naloqotena't jana'me laviyaĝajete gaa'me lamaĝa's.

Mateo 18:23 Referans Kwoze

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Romanos 14:12

Qaq ỹoqo'oye 'enauac da shenaqta ñachaataqot qome Ñim Lo'onatac 'Enauacna, da yaqto' Ñimaye qomi' nmi't.

Mateo 13:47

Nataqa'en da lo'onataxanaxac Ñim Lo'onatac 'Enauacna, damaye 'eeta'am ca naleguec maye qaỹalliguingui aca auaxai, nache ỹataqta ỹalecta't nam lalliiguishec nỹaqpi.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Mateo 25:14

De'era lo'onataxanaxac Ñim Lo'onatac 'Enauacna, damaye 'eeta'am da 'eetec co'ollaxa so ỹale da huo'o da lhuennataxac da qaỹoqtegue ca taigue. Nache iỹaxaneugalo soua lamaxa'she, nache ipataxaleguete aso alom da iloregue.

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Mateo 13:31

So Jesús nataqa'en ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca ala ana le'enaxat mostaza maye ỹacona ca shiỹaxaua da ỹaalec ca na'alhua.

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Mateo 18:24

Qaq co'ollaq mashe naloqteetega't aso navigaxaiste, nache qanauegueua'a so 'oonolec maye ivi' aso sesenta millones aso anom maye chegaqaigui na lcat plata aso lavigaxaiste.