Mateo 18:22 - La'aqtaqa Ñim Lo'onatac 'Enauacna 2013

²² Nache So Jesús 'enapeco': –Saishet da siete da 'avi'eguelaxalec da 'auchoxoren ca 'arqaỹa. Maye 'am iuen da chochaq tatec da 'archoxonnataxanaxa camaye.

Nuevo Testamento Toba Sur

²² Nachi so Jesús 'enapeco': –Aÿim 'am shinapega da sa ishit da siete da 'avi'iguelaxalec da 'auchoxoden. Mayi ivi' setenta da 'avi'iguelaxalec na siete.

Nuevo Testamento Toba Sombrero Negro

²² Jesús 'yateguet: —Ja am 'te ja'aĝatem ta'le chayovida'a siete 'viyelaĝalegue, dite da'me chayovida'a setenta 'viyelaĝalegue siete.

Mateo 18:22 Referans Kwoze

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

Marcos 11:25

Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Efesios 4:31

Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Génesis 4:24

Qaq so Caín da siete da qaỹe'eguelaxalec da qaỹauo'o ca lvi', nache aỹem iuen qome da setenta y siete da qaỹe'eguelaxalec da qaỹauo'o ca ivi'.»

Romanos 12:21

Saishet da 'aua'aqta'a da 'am loxonec ca qauem. Nachaqrata da 'oxonec ca qauem, qalaxaye 'arolec ca ỹaỹamaqchiguiñi.

Miqueas 7:19

Qaq ña 'avi'eguelaxa qome da qomi' 'auchoxore'n, nache 'aulayiñi qome na qaye'etaxaloxosat, nache 'auasaxaña cam ỹataqta pa'aguiñi aso auaxai nam qarasouashetpi.

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

1 Timoteo 2:8

Ỹoqo'oye sauotaique da na ỹalleppi maye do'onaxaatac, da ivita da nqouagaxauen qalaq ỹachaxaato'oto naua lhua'q Ñim Lo'onatac 'Enauacna qataq ỹaxaañi da ncotatega't qataq da nnota'a't.

Mateo 18:23

De'era lo'onataxanaxac Ñim Lo'onatac 'Enauacna, damaye 'eeta'am da 'eetec da huaigui co'ollaxa som ilotague' so 'alhua. Se'eso nta'a iỹaxaneuga so lamaxashecpi da huotaique da ỹaỹaten ca 'eetec cam tata'ague da lo'onataxanaxac qataq da naloqna't añi lavigaxaiste somayepi da yaqto' ñi 'oonolec somayepi desheetenaxan.