Mateo 18:17 - La'aqtaqa Ñim Lo'onatac 'Enauacna 2013

¹⁷ Qaq camaye da saishet da ỹalaxagueta caua 'ara'aqtaxanaxau', nache 'am ishet da 'aua'aqtaxanem na 'amqaanataxanaxaicpi. Qaq da saishet da ỹalaxaguet namayepi, nache camaye 'eeta'am qanqa'en ca saishet da ỹa'amaqten Ñim Lo'onatac 'Enauacna, huo'otaq cam ỹacootapeeguet ana nsheetenaqte ca nta'a maye netaña ye Roma.

Nuevo Testamento Toba Sur

¹⁷ Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

Nuevo Testamento Toba Sombrero Negro

¹⁷ Qom nach'edi ja naquiaĝanalo gaa'me, qama'le a'uaqataĝanema joga'me nepi'iyaĝa'upi; qama'le qom nach'edi ja naquiaĝanalo joga'me nepi'iyaĝa'upi, chane'eja aualoqochichigui ga'me jo'ne ja p'iida'a ñe'me Dios uotaĝa ga'me lo'o da'me nejetenaguec di'me Roma.

Mateo 18:17 Referans Kwoze

2 Ts 3:6

Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

1 Corintios 5:9

Aso lỹa ỹere maye qami' samaxalo co'ollaxa, qami' sheetegalo da saishet da qa'aitapegueua'a na shiỹaxauapi maye quisheguetaxaicpi.

Ezequiel 11:12

qaq huaña nache qauaỹachiñi da nachaỹem maye Aỹem Nataxala'. Qami' saishet da qoquiigue co'ollaxa na ỹamaxasoxonaxacpi, qataq saishet da qauo'oche' naua iqataxaco, maye nacherata da qoquiiguelo da qauo'oche' naua ỹo'otta'ape nam ỹotta'a't shiỹaxauapi maye qarhuoreuaipi.›»

Esdras 6:21

Nache 'enauac se'eso Israel le'ecpi som ñe'eguelaq co'ollaxa chegaqa'a ye Babilonia, somayepi ỹalegueua'a so nquia'axac lta'araic maye qaỹo'ot, qataq 'enauac so nache 'eetai' da netaña yemaye, qataq so ỹaxanec na qauem lataxacpi so lauoreuapi. Yaqto' ishet da 'enauac somayepi ỹo'oxoren Ñim Nataxala' maye Natamnaxala' so Israel le'ecpi.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

Lucas 15:1

Huo'o so na'a'q, nache anac da na'axaỹaxana So Jesús 'enauac nam ỹacootapeeguet ana nsheetenaqte ca nta'a, maye netaña ye Roma, qataq na laỹepi shiỹaxauapi maye nam chegaqaigui na fariseopi ỹamata'ac da qauem da na'aqtaguec.

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Lucas 18:11

Nache se'eso fariseo nachattañi co'ollaq nqouagaxaueetac, 'eeta': ‹'Am maye 'Aro'onatac 'Enauacna, 'am sanot da ña'achec, cha'aye aỹem saishet da shena'am ca camachaqca shiỹaxaua, maye cachaxaic, qauemaic, qataq lauatapiguiñi' aca sa lhua. Qataq saishet da sheeta'am de'era ỹacootapeeguet ana nsheetenaqte ca nta'a.

Mateo 5:46

Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Mateo 6:7

Qaq da qanqouagaxauñi, nache saishet da logoraic ca qartaxaỹaxaqui, da qoñiita'am nam saishet da ỹoqta 'eesa da ỹauatton Ñim Lo'onatac 'Enauacna. Cha'aye namayepi ipi'itaxaatega da Ñimaye ỹalaxaguet souaxat da ỹataqta logoraic da nqouagaxaunaxac.

Mateo 10:3

qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

1 Corintios 6:1

Da huo'o ca 'oonolec da qoñiita nasouaxata'ai' ca lỹa la'amqaanataxanaxaua, nache saishet da iỹaxanot ca loicnatac na lataxaguesat maye sa da'amqaanataxan da ỹaỹamaxaañi ca nasouaxashet, nachaqrata da iỹaxanoigui na laỹepi la'amqaanataxanaxauapi da ỹaỹamaxaañi camaye.

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':