Mateo 18:15 - La'aqtaqa Ñim Lo'onatac 'Enauacna 2013

¹⁵ Da huo'o ca 'oonolec nam Aỹem ca'attague' da 'am ỹo'otec ca qauem, qaq no'on da 'andote' camaye da 'aua'aqtaxanem ca lsomaxac. Qaq camaye da huo'otaq 'am ỹalaxaguet, nache 'am qaltaq 'araueguec camaye.

Nuevo Testamento Toba Sur

¹⁵ Ca 'adqaÿa da huo'otaq huo'o ca 'am i'otec sa ÿaÿamaxañi, qaq no'on da 'andote' camayi da 'au'aqtaxanem ca lsomaxac. Qaq camayi da huo'otaq 'am ÿalaxaguet, nachi 'am 'adaueguec camayi da qaichoxoden.

Nuevo Testamento Toba Sombrero Negro

¹⁵ “Qom ga'me adaqaya am 'yetec gamachaqaega ja no'en, auojapegue' ga'me qom onolec auayatenaĝanec ga'me lepatenaĝanaĝac. Qom am naquiaĝana, joote yitaĝa anaueguela't ga'me adaqaya.

Mateo 18:15 Referans Kwoze

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

Gálatas 6:1

Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

2 Ts 3:15

Qalaxaye saishet da qanpa'aguenaxauai camaye. Chaqrata da ỹataqta qoñiỹapega, qaue'enaxachiitem ca qarqaỹai.

Mateo 18:35

Nache So Jesús 'enapeco': «Qaq 'era qome da 'eetec naqa'en da qoñiita ñi Ita'a maye neta'ague da piguem, da huo'otaq ñi 'oonolec saishet da ỹoqta lquiyaqteỹaxac da ichoxoren ca lqaỹa.»

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Romanos 12:21

Saishet da 'aua'aqta'a da 'am loxonec ca qauem. Nachaqrata da 'oxonec ca qauem, qalaxaye 'arolec ca ỹaỹamaqchiguiñi.

1 Pedro 3:1

Qami' 'alpi maye mashe qauaroñi, añi 'oonole da qoñiita iuen da ỹalaxaguet ca lhua. Cha'aye da nache qoñiitec de'era, nache camayepi da saishet da ỹa'amaqten da na'aqtaxanaxac maye nachera dam no'on na'axaỹaxac, qalaxaye ila'a dam lataxac añi 'oonole da qoñiita, nache nachera dam ishet da da'amqaanataxan naqa'en. Saishet da iuen da qautaqaitecot,

1 Corintios 8:12

Qaq da nache qoñiitec de'era, nache qauque'emaqchichi da ntoonaxac ca qarqaỹa maye saxanaxa da da'añi da lpi'iỹaxac, qataq nacheso So Cristo qauque'emaqchichi.

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

2 Corintios 7:12

Cha'aye co'ollaq settapiguiñi aso ỹere, qalaq saishet da seuennatega cam shiỹaxaua maye ỹo'ot ca qauem, huo'otaq cam huo'o ca qaỹo'otec. Nachaqrata da sauotaique da Ñim Lo'onatac 'Enauacna, qami' ỹauaachiguilo da lta'araic qarhuogoqoi da shenaqta.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Mateo 18:14

Qaq 'era da 'eetec nataqa'en ñi Qarta'ai maye neta'ague da piguem, da sa ỹaỹamaxaren da deqat ca 'oonolec ne'ena maye qaica ca la'amaqchecpi qataq da nache 'eetai' da qaỹoqta Ñimaye.

Mateo 18:21

Nache so Pedro nquigueua'a So Jesús, nache inat 'eeta': –'Am Ỹataxala', da huo'o ca 'oonolec nam ỹaqaỹañicpi maye ỹa'amqaanataxanaxauapi da aỹem ỹo'otec ca qauem, nache ¿chaxan lcate' da she'eguelaxalec da sechoxoren camaye? ¿Peta'a siete da she'eguelaxalec da sechoxoren?

Tito 3:10

Da huo'o ca sa nhuoona't naqa'en na 'amqaanataxanaxaicpi, nache camaye ỹataqta 'autaxaỹot. Qaq da 'am sa ỹalaxaguet da mashe dos 'avi'eguelaxalec da qonapega, nache camaye 'anqateeguesop na 'amqaanataxanaxaicpi.