Mateo 18:14 - La'aqtaqa Ñim Lo'onatac 'Enauacna 2013

¹⁴ Qaq 'era da 'eetec nataqa'en ñi Qarta'ai maye neta'ague da piguem, da sa ỹaỹamaxaren da deqat ca 'oonolec ne'ena maye qaica ca la'amaqchecpi qataq da nache 'eetai' da qaỹoqta Ñimaye.

Nuevo Testamento Toba Sur

¹⁴ Qaq 'eda da 'eetec nataq'en ñi qadta'ai mayi neta'ague da piguem, da sa ÿaÿamaxaden da daqat ca 'oonolec ne'ena qaica ca l'amaqchicpi.

Nuevo Testamento Toba Sombrero Negro

¹⁴ Qama'le nach'e ena'am ñe'me Adet'ai 'me na'ague di'me piyem ja jetaque yejomac ga'me onolec naa'me naajo' 'najodolqa.

Mateo 18:14 Referans Kwoze

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Juan 21:15

Qaq co'ollaq ime da lquia'axa'c, nache So Jesús inat so Simón Pedro, 'eeta': –'Am Simón maye 'am llalec so Jonás, ¿peta'a ỹoqta Aỹem 'arauotaxat, qaq saishet da qoneta'am ne'ena 'araỹepi? Nache so Pedro 'enapeco': –Aja', 'am Ỹataxala', 'am 'auaỹaten mque' da 'am sauotec. Nache So Jesús 'enapego' somaye, 'eeta': –'Antela'a qone' na ilopi qagueta llalaqpi.

Hebreos 12:13

Qanqalgoqoi qome, qoquiitegue so nqa'aic maye ỹataqta ỹashectec qataq nalochiguiñi, yaqto' ca napia' maye ñi'iỹauo, qalaq ishet da no'oita, qataq saishet da ỹe'eguelaxa da vi'ita'a't.

2 Timoteo 2:10

Ỹoqo'oye ña'añaxateguet na ỹotta'a't ñeque'eenaxacpi, yaqto' na lca'aguishecpi Ñim Lo'onatac 'Enauacna nca'alec, qataq ỹaconeguet da achaalataxac maye chochaq tatec, maye ỹachaxanapec So Cristo qataq Ñim Lo'onatac 'Enauacna.

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Mateo 6:32

Cha'aye nam sa ỹauatton Ñim Lo'onatac 'Enauacna maye ỹaquicoqchet da iuennatega de'era. Qalaxaye qami' saishet da qami' ỹaquicoqche't de'era, cha'aye Ñim Qarta'ai maye neta'ague da piguem, Ñimaye ỹaỹaten da qami' qaviñiitac 'enauac ne'enapi.

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Mateo 18:13

Qaq da huo'otaq mashe ỹanata, nache camaye ỹataqta ỹactec da ntootapeguec aso 'oonole qagueta, saq 'ena'am da ntootapeguec aso noventa y nueve maye saishet da isomapec.

Mateo 18:15

Da huo'o ca 'oonolec nam Aỹem ca'attague' da 'am ỹo'otec ca qauem, qaq no'on da 'andote' camaye da 'aua'aqtaxanem ca lsomaxac. Qaq camaye da huo'otaq 'am ỹalaxaguet, nache 'am qaltaq 'araueguec camaye.