Mateo 18:12 - La'aqtaqa Ñim Lo'onatac 'Enauacna 2013

¹² Qami' ¿ca 'eetec ca qarhuennataxaqui? Da huo'otaq huo'o ca 'oonolec da qoñiita da huo'o aca cien lalo qaguetapi, qaq da huo'otaq noma da isomapec aca 'oonole, qaq ¿peta'a saisheto' da no'onaxatalec aca qaỹoqotcheguemec 'alhua aca noventa y nueve qaguetapi, ime, nache jec da nmitaique aca 'oonole maye isomapec?

Nuevo Testamento Toba Sur

¹² Qami' ¿huá'ague ca 'eetec ca qadhuennataqai? Da huo'otaq huo'o ca shiÿaxaua da huo'o aca cien lalo qaguetapi, qaq da huo'otaq isomapec aca 'oonole, qaq ¿peta'a sa ishito' da n'onaxatalec aca saqaÿoqotchiguemec 'alhua aca noventa y nueve qaguetapi, ime, nachi jec da nmitaique aca 'oonole mayi isomapec?

Nuevo Testamento Toba Sombrero Negro

¹² “¿Jach'e ga'me eeta da'me dojo'? Qom 'uo ga'me jiyaĝaua yauanalo cien 'naĝanaĝatelpi qama'te onole yejomac, ¿qo'li ja yepotadoue ga'me viaq joga'me noventa y nueve 'naĝanaĝatelpi qaedi yelaque jaga'me yejomac?

Mateo 18:12 Referans Kwoze

Ezequiel 34:12

Qaq sheeta'am qome ca qagueta lo'o da huo'o da lhuogoxo da laga't aca lalo qaguetapi, qaq 'era da sheetec qome da huo'o da iuogoxo da selo'ogue ana ilopi qaguetapi, ñe'eguelaxat qome sachegoxotchiguiña cam huaña co'ollaq deqat, huaigui som napalñi na'a'q souaxat so la'at.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Ezequiel 34:28

Qaq nam chegaqauec nhuo' le'ecpi, saishet qome da qaltaq ỹe'eguelaxa da icoñettai' namayepi, qataq na shiguiỹacpi saishet qome da qaltaq ỹe'eguelaxa da chec namayepi. Qaq namayepi ỹataqta ỹe'emaqtac qome saishet da huo'o ca iquichoqchettac.

Ezequiel 34:6

Anamayepi laguelec 'enauac ana qasoxonaxapi, qataq ana qaỹoqotcheguemec lcomaraxalatepi, laguelec 'enauac ana 'alhua, nache qaica ca qochetega da nmittaique.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Mateo 12:11

Nache So Jesús 'enapeco': –Da huo'o ca 'oonolec da qoñiita da tangui aca lcheque aca lalo qagueta ca na'a'q mataxaqui, nache ¿ishet peta'a da jec da nqatsheguem? ¡Aja' ishet!

Jeremías 50:6

Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Mateo 21:28

Nache So Jesús nataqa'en 'enapeco': –¿Chaq 'eetec ca qarhuennataxaqui de'era qami' sa'axatema? 'Eeta': Huo'o so ỹale huo'oi soua dos llalqa. Nache 'enapega so llalec ỹe, 'eeta': «'Am ỹalec, qojec qome 'auo'ot ye ỹanaxanqa' maye uva lma'.»

1 Corintios 10:15

Aỹem saỹaten da qami' ỹaanaxanaxaiqa, qaq ỹoqo'oye saỹaten da aỹem qauaỹaañiteguet.

Mateo 22:42

–¿Negue't ca chegoxoguet cam Lca'aguishec Ñim Lo'onatac 'Enauacna? ¿Chaq negue't llalec camaxa? Nache somayepi 'enapeco': –Qomye camaye chegoxoguet so nta'a David.

1 Reyes 21:17

Huaña, nache Ñim Nataxala', 'enapego' so Elías maye lma' ye Tisbé, 'eeta':

Ezequiel 34:4

Qami' saishet da qautauañi ana qaguetapi maye qaica ca la'añaxac, qataq sa qanatareñi anam sa no'onpi, qataq saishet da qauauoi ca laxataxat na lacagaxa ana huacac na lapia', qataq saishet da qaupacỹapegue' ana dasheuec, qataq saishet da qanmichiỹaique ana deqat, nacherata da saishet da qauchiyiitac qataq sa qanỹeñi anamayepi.

Mateo 18:13

Qaq da huo'otaq mashe ỹanata, nache camaye ỹataqta ỹactec da ntootapeguec aso 'oonole qagueta, saq 'ena'am da ntootapeguec aso noventa y nueve maye saishet da isomapec.