Mateo 17:9 - La'aqtaqa Ñim Lo'onatac 'Enauacna 2013

⁹ Qaq co'ollaq mashe huenotreeguesopa aso qaỹoqotcheguemec 'alhua, nache So Jesús 'enapegalo soua lapaxaguenataqa, 'eeta': –Saishet qome da huo'o ca qaua'aqtaxañim de'era qarauanaqchiqui, nato' qom Aỹem Shiỹaxaua Llalec mashe seleu qataq da mashe ñeca'alec.

Nuevo Testamento Toba Sur

⁹ Qaq co'ollaq mashi huenotreeguesop aso saqaÿoqotchiguemec 'alhua, nachi so Jesús huaqattegalo, 'eeta': –Sa ishit qome da huo'o ca qau'axachiim de'eda qadauanaqchiqui, to' qom mashi qaltaq nca'aleec ne'ena shiÿaxaua llalec.

Nuevo Testamento Toba Sombrero Negro

⁹ Mane'e ca'li cha'li nenochidiñe, queda'ae ga'me qajoĝonaĝa, Jesús uaqatalo, enaac: —Ena'te a'uaqataĝañiyem gamachaqaega dojo' adauanaĝanaĝaqui, chayovida'a qom joote 'ñiyelaĝajeguem, da'me jayem mach'e Jiyaĝaua Lec'oĝot.

Mateo 17:9 Referans Kwoze

Marcos 8:30

Nache So Jesús huaqattegueleguete soomaye da saishet da huo'o ca da'aqtaxaarem, da nacheso So Lca'aguishec Ñim Lo'onatac 'Enauacna.

Lucas 8:56

Nache soua lta'al ỹataqta huo'o da la'aalaqa', qalaxaye So Jesús 'enapegalo soomaye da saishet da huo'o ca da'aqtaxaarem de'era.

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Mateo 17:12

Qalaxaye Aỹem ỹataqta 'eesa de'era qami' sa'aqtaxanema da so Elías mashe sogote da nvi'. Qalaxaye na shiỹaxauapi saishet da ỹauatton, nachaqrata da maiche ỹoiqueetac cam ỹo'otec somaye. Aỹem Shiỹaxaua Llalec, nataqa'en nache 'eetec qome da Aỹem qaỹo'otec ỹoqo'oye ỹaguec da ñeque'eenaxac qome.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Mateo 12:16

Nache 'enapega somayepi da saishet da ỹa'axat Somaye.

Mateo 17:8

Qaq soomaye co'ollaq ñiyishegue'm, nache saishet da huo'o ca lỹa ilora'a, nachaqsota So Jesús.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 17:22

Qaq co'ollaq ñaq iconnaxaata'ape ye 'alhua Galilea, nache So Jesús da'aqtaxaateguema soua lapaxaguenataqa, 'eeta': «Nam Aỹem ipa'agueetacpi Aỹem ỹaconeua'a qome, nache Aỹem ỹaneua'a na laỹepi shiỹaxauapi.

Lucas 9:36

Qaq co'ollaq ỹoxogue se'eso na'aqtac, nache qaltaq qaila'a So Jesús da ndotec. Nache soomaye, ỹataqta huo'oi soua na'axa'te da qaica ca da'aqtaxaarem de'era lauanaqche'c.