Mateo 17:5 - La'aqtaqa Ñim Lo'onatac 'Enauacna 2013

⁵ Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Nuevo Testamento Toba Sur

⁵ Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Nuevo Testamento Toba Sombrero Negro

⁵ Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 17:5 Referans Kwoze

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Mateo 12:18

«¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Marcos 9:7

Nache saqaỹaloq da anac so lo'oc chegoqo'ot na piguem da naloteleguete soomaye. Qaq se'eso lo'oc chemaxaigui so na'aqtac, 'eeta': «'Era da Ỹalec maye ỹataqta ỹauotaxat, damaye qaualaqaiguet qome.»

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Marcos 1:11

Nache qaỹa'axaỹa so na'aqtac chemqot na piguem, 'eeta': «'Am maye nache 'am Ỹalec ỹauotaxat, Aỹem ỹataqta 'am ñetootapeguec.»

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Deuteronómio 18:19

Qaq nache, 'enauac ca sana'axaỹaxana ca ỹa'aqtaxanaxanec da ỹa'axattac na ỹa'aqtacpi, nache Aỹem sechemaxata qome camayepi.

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Juan 5:37

Nataqa'en Ñim Ita'a maye Aỹem namaq, Ñimaye ỹataqta 'eesa naqa'en de'era ña'aqtaguec. Qaq na'aictaxa da qami' sa qauauañiỹapega da qaua'aqaichigui ca lavilỹaxac Ñimaye, qataq saishet da qauauattoñi ca lasheguiỹaxac.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Isaías 42:21

Qaq Ñim Nataxala', ye ñimaye deca'alaqtaxan, nache huotaique da ỹo'ot da lta'araic naqa'en qataq ỹo'oxoraq dam lapaxaguenataxanaxac,

Deuteronómio 5:22

Qaq 'ena na la'aqtacpi maye na'axannec da nasaxauec co'ollaxa Ñim Nataxala' co'ollaq qoviito'ot na loigue añi qasoxonaxa, Ñimaye chemaqtapoigui so norec maye huetaigui so sansatchiguiñi qataq napalñi lo'oc. Qaq co'ollaq ime ne'ena la'aqtacpi, nache ỹereleguete soua dos coma'ye, nache aỹem ỹanema.

Éxodo 19:19

Nache na l-lamaxa aso nasheerepi nataqa'en nquictauec, nache so Moisés detaqtac. Qaq Ñim Lo'onatac 'Enauacna ỹasattapeeguet somaye, qaq naua la'aqtaqa Ñimaye da ỹasat qalaq 'eeta'ama na nalataxa.

Hechos 1:9

Qaq co'ollaq ime da ỹa'axattac de'era So Jesús, nache ỹauaachiguilo soomaye co'ollaq naỹoxotcheguem da qaỹaueegue da piguem. Choche ivitta'a da huo'o so lo'oc na piguem, nache taigui. Huaña, nache saishet da qaila'a.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Da na'aqtaguec so Job 38:1

Nache Ñim Nataxala' detaxaỹot so Job, qalaxaye huetaigui so la'ana't la'at lta'araic, 'eeta':

Mateo 17:6

Qaq co'ollaq hua'axaỹalo de'era na'aqtac soua lapaxaguenataqa, nache soomaye ỹataqta nqapaxanegueta ana 'alhua, cha'aye ỹataqta ỹaguec da lcolanaqa'.

Apocalipsis 14:14

Ime, qaltaq ñamatasheguem, nache sela'a so lo'oc na piguem lapagaxaic, qaq se'eso lo'oc nso'ootalec so 'eeta'am na shiỹaxaua llalec. Somaye ỹaatañi aso naro'o na nta'a maye chegaqaigui na oro, qataq lasoqta'a so lpetegaxanaxat ỹataqta ỹaxaraic.