Mateo 17:4 - La'aqtaqa Ñim Lo'onatac 'Enauacna 2013

⁴ Nache so Pedro 'enapega So Jesús, 'eeta': «'Am Qarataxala', ¡'onaxaictaxa da nache souaqta'a ne'ena! Da 'am 'auaỹamaxareeta, nache so'ota'q caua tres qaya'axaquilli', 'oonolec ca 'arma', qataq da Moisés, qataq da Elías.»

Nuevo Testamento Toba Sur

⁴ Nachi so Pedro 'enapega so Jesús, 'eeta': –'Am qadataxala', ¡'onaxáictaxa da nachi souaqta'a ne'ena! Da 'am 'auaÿamaxadeeta, nachi so'ota'q caua tres qayi'axaquilli', 'am 'oonolec ca 'adma', qataq da Moisés, qataq da Elías.

Nuevo Testamento Toba Sombrero Negro

⁴ Chane'eja Pedro yiyaĝatapega ñe'me Jesús: —Jaliaĝanec, ¡yataqachiñe 'noota da'me jouaqa'tena! Ta'le aviyamaĝaden jauo'oe tres gaa'me nepele'te: onolec ga'me adoĝot, ga'me laqaya yelo'teguet ñe'me Moisés nataq'aen laqaya yelo'teguet ñe'me Elías.

Mateo 17:4 Referans Kwoze

Lucas 9:33

Qaq co'ollaq so Moisés qataq so Elías da mashe huotaique da ca'aisalo Somaye, nache so Pedro 'enapego' So Jesús, 'eeta': «'Am Napaxaguenataxanaq ¡Maye saq no'on ye souaqta'a ne'ena! Da 'auaỹamaxareeta, nache aỹem so'ot caua tres qaya'axaquilli', 'oonolec ca 'arma', qataq da Moisés qataq da Elías.» Qaq so Pedro sa ỹaỹaten ca naigui de'era la'aqtac.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Isaías 33:17

Qaq huaña nache qaltaq qauloỹa'a qome ca nta'a maye huo'o da llo'oxoyec, qataq qauloỹa'a qome ca 'alhua maye ivira'a cam ỹataqta qaỹoqta.

Salmos 16:11

Qataq aỹem 'auachaxana da llec da achaalataxac, qataq aỹem nlaqchigui 'anqa'en da ñetonaxac da 'am soota'aguet qataq nache 'eetai' da ỹamaicỹaxac da soota'ague na 'oic.

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

Filipenses 1:23

Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Mateo 17:3

Huaña, nache soua tres lapaxaguenataqa ilora'a so la'aqtaxanaxanec Ñim Lo'onatac 'Enauacna le'enaxat Elías qataq Moisés da na'aqtaxaategueto So Jesús.

Juan 7:2

Qalaxaye mashe saqaỹapeque so naponaxac maye ivittre'c soua siete na'axa'te maye laloxoqui' da qanayenaiguilo naua qaỹa'ara'a't npe'lolqa qo'oipaq lcouepi.