Mateo 17:22 - La'aqtaqa Ñim Lo'onatac 'Enauacna 2013

²² Qaq co'ollaq ñaq iconnaxaata'ape ye 'alhua Galilea, nache So Jesús da'aqtaxaateguema soua lapaxaguenataqa, 'eeta': «Nam Aỹem ipa'agueetacpi Aỹem ỹaconeua'a qome, nache Aỹem ỹaneua'a na laỹepi shiỹaxauapi.

Nuevo Testamento Toba Sur

²² Qaq co'ollaq ñaq huetra'a yi 'alhua Galilea, nachi so Jesús 'enapegalo' soua lapaxaguenataqa, 'eeta': –Ne'ena shiÿaxaua llalec, namayi qoÿanoigui qome na shiÿaxauapi,

Nuevo Testamento Toba Sombrero Negro

²² Mane'e ca'li cha'li nalo'ta't da'me yeuotedapelegue di'me aleua jo'ne Galilea, Jesús enaac: —Mach'e jayem Jiyaĝaua Lec'oĝot, jayem qoyanouelo qomle ga'me jiyaĝadipi,

Mateo 17:22 Referans Kwoze

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Lucas 24:46

Nache 'enapeco': –Dam nanettañi ỹa'axat da ca Lca'aguishec Ñim Lo'onatac 'Enauacna, iuen da hua'auñi da qaỹalauat. Qaq qom mashe inoxoore'c caua tres na'axa'te, nache qaltaq nca'alec.

Lucas 24:26

¿Sa qauaỹaañiỹo' peta'a, da que'eca Lca'aguishec Ñim Lo'onatac 'Enauacna hua'auñi qome da nque'etaxan da saxanaxa da inoxoneua'a ca lo'onataxanaxac da ilo'ogue 'enauacna?

Lucas 9:22

So Jesús nataqa'en 'enapegalo soua lapaxaguenataqa 'eeta': «Aỹem, maye Aỹem Shiỹaxaua Llalec, ỹataqta qalota qome da ñeque'eenaxac. Cha'aye na nataxala'pi maye ilotague' ne'ena 'alhua, qataq na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, namayepi Aỹem ỹamaqauec qataq Aỹem ỹalauat. Qalaxaye da mashe ivi' caua tres na'axa'te, nache qaltaq ñeca'alec.»

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Mateo 26:46

¡Qoñiisheguem qome, qolaq, mashe nvi' nam Aỹem ỹaneuo!»

Mateo 24:10

Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa.

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

1 Corintios 11:23

Cha'aye aỹem saconeguet de'era napaxaguenataxanaxac maye chegoqo'ot So Qarataxala' Jesucristo, da se'eso pe co'ollaq yaqta'a da qoỹaneuo, nache ỹacona aso nauole 'ayiiña.

Mateo 26:16

Huaña, nache se'eso na'a'q so Judas nmittaique ca lataxac maye ỹaỹamaqchiguiñi da ỹaneuo So Jesús.

Mateo 17:9

Qaq co'ollaq mashe huenotreeguesopa aso qaỹoqotcheguemec 'alhua, nache So Jesús 'enapegalo soua lapaxaguenataqa, 'eeta': –Saishet qome da huo'o ca qaua'aqtaxañim de'era qarauanaqchiqui, nato' qom Aỹem Shiỹaxaua Llalec mashe seleu qataq da mashe ñeca'alec.

Mateo 17:12

Qalaxaye Aỹem ỹataqta 'eesa de'era qami' sa'aqtaxanema da so Elías mashe sogote da nvi'. Qalaxaye na shiỹaxauapi saishet da ỹauatton, nachaqrata da maiche ỹoiqueetac cam ỹo'otec somaye. Aỹem Shiỹaxaua Llalec, nataqa'en nache 'eetec qome da Aỹem qaỹo'otec ỹoqo'oye ỹaguec da ñeque'eenaxac qome.

Lucas 9:43

Nache 'enauac se'eso shiỹaxauapi ỹataqta huo'o da la'aalaxa da lta'araic la'añaxac Ñim Lo'onatac 'Enauacna. –Qaq co'ollaq ñaq queta da qaỹa'aalatapeguec 'enauac nam ỹo'ot So Jesús, nache Somaye 'enapegalo soua lapaxaguenataqa, 'eeta':