Mateo 17:21 - La'aqtaqa Ñim Lo'onatac 'Enauacna 2013

²¹ [Qalaxaye ca 'eeta'am se'eso na'añaxac leguemaxaic da qaỹo'orauec qalaq iuen da natamen qataq nqouaqchet ca shiỹaxaua.]

Nuevo Testamento Toba Sur

²¹ Qalaxayi ne'ena 'eeta'am se'eso n'ec leguemaxaic, da qai'odauec, qalaq iuen da nqouagaxauen qataq nqouaqchit ca shiÿaxaua.

Mateo 17:21 Referans Kwoze

Marcos 9:29

Nache So Jesús 'enapeco': –Qomye na 'eeta'am se'eso saqcha'a na'añaxac leguemaxaic da qaỹo'orauec, qalaq iuen da ỹataqta nqouagaxauen ca shiỹaxaua.

Mateo 17:22

Qaq co'ollaq ñaq iconnaxaata'ape ye 'alhua Galilea, nache So Jesús da'aqtaxaateguema soua lapaxaguenataqa, 'eeta': «Nam Aỹem ipa'agueetacpi Aỹem ỹaconeua'a qome, nache Aỹem ỹaneua'a na laỹepi shiỹaxauapi.

1 Reyes 17:20

Ime, nache ỹataqta nlamaxaren da iỹaxanot Ñim Nataxala', 'eeta': «'Am Nataxala', maye 'Am Ñatamnaxala', ¿peta'a nataqa'en da 'auauo'o da nqui'ic aram pa'ai, maye sootaña na lma', da ileu 'anqa'en na llalec?»

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Hechos 14:23

Qataq 'enauac nam hueta'a na 'amqaanataxanaxaicpi, so Pablo qataq so Bernabé, ỹauo'o na lataxala'pi, yaqto' itauaatac namayepi. Qaq da ime da nqouagaxaunaxa'c qataq da nqouaqchetaxa'c, nache ỹashel-lec somayepi, nache iỹaxaatracot Ñim Lo'onatac 'Enauacna da itaua'n, cha'aye somayepi ỹa'amaqten So Jesús.

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

2 Corintios 11:27

Qataq ñeque'etaxangui da ỹo'onataxanaxac qataq da ñaqalaatapigui'. Qataq huo'oi naua pe' da saishet da so'oche. Qataq ñeque'etaxangui na iqouaxa qataq na ỹaquip, qataq souaxat da qaica ca ỹogoxot, nache ñeque'etaxangui na latomaxa.

Efesios 6:18

Qataq saishet da qaucoviỹa'ai da qanatamnaxaqui. Qataq da ivita da qauỹaxañiitacot Ñim Lo'onatac 'Enauacna, qalaq chegoqchigui qanqa'eñi So Saqcha'a Na'añaxac Qui'itta. Qataq ỹataqta, nache 'eetai' da qanloitauec, qataq saishet da qanasamiitapiguiñi. Qataq qanqouagaxauñiitalec 'enauac nam lalamaxatpi Ñim Lo'onatac 'Enauacna.