Mateo 17:18 - La'aqtaqa Ñim Lo'onatac 'Enauacna 2013

¹⁸ Nache So Jesús nlaxa se'eso saqcha'a na'añaxac leguemaxaic maye netaigui se'eso nsoq, nache 'enapega da jec. Huaña nache no'oita so nsoq.

Nuevo Testamento Toba Sur

¹⁸ Nachi so Jesús nlaxa se'eso n'ec leguemaxaic, nachi ca'ai naq'en so nsoq. Huaña, nachi no'oita somayi.

Nuevo Testamento Toba Sombrero Negro

¹⁸ Chane'eja Jesús yecochaq ga'me payac qama'le en ca'e ga'me notolec, qanach'e ua'a ca'li male yemegue.

Mateo 17:18 Referans Kwoze

Mateo 9:22

Qalaxaye So Jesús namatapec, nache ila'a asa'aso 'alo. Nache 'enapega, 'eeta': «Saishet da leetapigui ye 'arhuel, cha'aye dam 'arpi'iỹaxac Ñim Lo'onatac 'Enauacna nachera dam huo'omshe 'am no'oita.» Huaña, nache asomaye ỹataqta no'oita.

Hechos 16:18

Qaq ỹataqta huo'oi soua na'axa'te da nache 'eeta'ac de'era. Qaq choche ivitta'a da ỹataqta sa ỹaỹamaxaren so Pablo. Nache somaye ỹe'eguelaxaguet asomaye, nache 'enapego' som saqcha'a na'añaxac leguemaxaic maye netaigui asomaye, 'eeta': –'Am serolec da le'enaxat So Jesucristo da qoca'ai ana'ana qa'añole. Nache som saqcha'a na'añaxac ca'ai asomaye.

Lucas 9:42

Qaq co'ollaq mashe saq qaỹapeque se'eso nsoq, nache so saqcha'a na'añaxac leguemaxaic huañi naqa'en somaye, nache ỹo'otec da lta'araic lviloxolaxa na lo'oc. Ime, nache So Jesús nlaxa se'eso saqcha'a na'añaxac leguemaxaic. Nache nataren se'eso nsoq. Ime, nache ỹe'eguelaxatot so lta'a.

Marcos 1:34

Nache So Jesús ỹataqta qalota so nataren nam sa no'onpi ỹotta'a't na lalolaxa, nataqa'en qalota so ỹo'orauec saqcha'a na'añaxac leguemaxaicpi, qataq saishet da huo'o ca ỹasheetem da da'aqtaxan se'eso saqcha'a na'añaxac leguemaxaicpi, cha'aye somayepi ỹataqta ỹauattoota Somaye.

Mateo 15:28

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Mateo 12:22

Huo'oi soua shiỹaxau' ỹauegueua'alo So Jesús so ỹale da yaqto' nataren. Somaye qanamaic qataq qaicaua naua la'aqtaqa, cha'aye huo'o so netaigui saqcha'a na'añaxac leguemaxaic. Nache So Jesús nataren, qaq se'eso ỹale ỹe'eguelaxa da nauaachiguiñi, qataq huo'oi naua la'aqtaqa.

Lucas 4:41

Qaq nam saqcha'a na'añaxacpi maye ca'ai na shiỹaxauapi ỹa'alaqtagui, 'eeta': –¡Nache 'am maye 'am Llalec Ñim Lo'onatac 'Enauacna! Qalaxaye So Jesús nlaxa ne'ena saqcha'a na'añaxac leguemaxaicpi, qataq sa ỹashenem da detaqa, cha'aye namayepi ỹaỹaten da Somaye, nacheso So Lca'aguishec Ñim Lo'onatac 'Enauacna.

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Mateo 17:19

Qaq co'ollaq qaỹata'ague de'era, nache soua lapaxaguenataqa iỹotrauga So Jesús. Nache inattrac, 'eetra': –¿Ta'ainco' ye qomi' saishet da sañoxotaq da so'oraqauec se'eso saqcha'a na'añaxac leguemaxaic?