Mateo 17:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe inoxoore'c soua seis na'axa'te, nache So Jesús ỹauec so Pedro qataq soua nqaỹa't Santiago qataq Juan, ndoqnaxaatre'c soomaye da taresheguemec aso qaỹoqotcheguemec 'alhua.

Nuevo Testamento Toba Sur

¹ Qaq co'ollaq mashi inoxoodeec soua seis na'axa'te, nachi so Jesús ÿauec so Pedro qataq soua nqaÿa't Santiago qataq Juan. Nachi ndotreec soomayi, nnaicapegueto da nqo'ooshiguemque aso saqaÿoqotchiguemec 'alhua.

Nuevo Testamento Toba Sombrero Negro

¹ Ca'li yenoĝodegue gaa'me seis noloqo'ote, qama'le Jesús yiyaĝana ñe'me Pedro, ñe'me Santiago nataq'aen Juan mach'e laqayeja ñe'me Santiago, qama'le niyotedaye ca'li da'me yec'adije'ma ga'me qajoĝonaĝa 'me qayaje'mec.

Mateo 17:1 Referans Kwoze

Mateo 26:37

Nache So Jesús ỹauec so Pedro, Santiago qataq so Juan da nnaicapegueto. Huaña, nache ỹataqta nomteguet da lta'araic laquicoxo,

Marcos 5:37

Nache Somaye saishet da huo'o ca nasheneguet, nachaqsouate' so Pedro qataq soua nqaỹa't Santiago qataq so Juan.

2 Corintios 13:1

Qaq mashe ivi' tres nagui da she'eguelaxalec da qami' ñeqo'onalo. Qaq qantooñita'aque qome naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eetra': Da qaỹauo'o ca lasouaxashet ca nỹa, qalaq iue'n caua dos huo'otaq tres shiỹaxau' da da'aqtaxa'n.

Lucas 8:51

Qaq co'ollaq ivireua'a so nỹec, nache 'enauac so shiỹaxauapi nỹeetagui, souaxat da l-leuaxa aso nogotole, qalaxaye So Jesús 'enapego' somayepi 'eeta': «¡Saishet qome da qanỹiñiitac! Aye nogotole saishet da ileu; ayemaye choche do'ocheta.» Nache so shiỹaxauapi ỹe'eetac So Jesús, cha'aye ỹaỹaten da aso nogotole mashe ileu. Nache So Jesús pa'auo lỹateuo so Pedro, qataq so Santiago, qataq so Juan, qataq so Jairo qataq aso late'e aso nogotole, nache saishet da huo'o ca lỹa ỹasheneuo da pa'auo.

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Marcos 13:3

Ime, nache So Jesús qataq soua lapaxaguenataqa nqo'oora aso qaỹoqotcheguemec 'alhua, maye nanqa' ana Olivo nalotta aso no'onaxanaxaqui late'erai. Nache So Jesús nso'ooñi, qaq co'ollaq mashe nda'a't soomaye, nache so Pedro, Santiago, Juan qataq so Andrés inattrac Somaye, 'eetra':

2 Pedro 1:16

Co'ollaq qami' sapaxaguenaqtapegueeque da la'añaxac So Qarataxala' Jesucristo qataq da lle'eguelaxasoxoc, nache qomi' saishet da maiche so'otaq ca qara'aqtaxanaxac, nachaqrata da ỹataqta ñimaqa'ai' co'ollaxa da seloqtagui de'era lta'araic la'añaxac So Qarataxala'.