Mateo 16:6 - La'aqtaqa Ñim Lo'onatac 'Enauacna 2013

⁶ Nache So Jesús 'enapegalo soomaye, 'eeta': –Maxatchaxa qome, qarvichiỹa'a ana ỹasheeraxachigui ca ndaqñiguishec 'ayiiña maye huetaigui na fariseopi qataq na saduceopi.

Nuevo Testamento Toba Sur

⁶ Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Nuevo Testamento Toba Sombrero Negro

⁶ Chane'eja Jesús enaac: —Achiya'aguet jo' ga'me lalequetenaĝanaĝat joga'me fariseopi nataq'aen ga'me saduceopi.

Mateo 16:6 Referans Kwoze

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Gálatas 5:9

Qaica ca iqoleguet da huo'o ca 'oonolec saq 'en napaxaguenataxanaq da camaye na'aqchet 'enauac da napaxaguenataxanaxac.

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Mateo 16:12

Huaña, nache soua lapaxaguenataqa So Jesús ỹaỹate'n da Somaye saishet da 'eetega da qaivita'a ana yo'oqchigui ỹasheeraxachigui ca ndaqnec, nachaqrata da qaivita'alo naua lapaxaguenataxanaxaco maye qauema nam fariseopi qataq nam saduceopi.

Levítico 2:11

Qaq 'enauac aca'aca nachetaqtaxanaqtepi, saishet da qaỹalecneguet ca dapic lli'i qataq ca ỹasheeraxachigui ca ndaqñiguishec, cha'aye acamaye ishet da na'axat aca nachetaqtaxanaqtepi maye qaỹavigaxat da qoỹanot Ñim Nataxala'.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Mateo 16:1

Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

Mateo 16:5

So Jesús qataq soua lapaxaguenataqa taitrague da le'ego aso lapel ye Galilea. Qalaxaye soua lapaxaguenataqa icoua'aisalo co'ollaxa da ỹache' aca nauole 'ayiiña.

Mateo 16:7

Nache soua lapaxaguenataqa detaqtega't co'ollaxa, 'eetra': «Ỹoqta da nasaxauec de'era da Jesús souaxat da qomi' saishet da ñachoq aca nauole 'ayiiña.»

Mateo 16:11

¿Saishet peta'a da Aỹem qauaỹaañiguet da Aỹem, saishet da sheetega aca yo'oqchigui nauole? ¡Maxatchaxa qome qarvichiỹa'a ana ỹasheeraxachigui ana nauole maye huetaigui na fariseopi qataq na saduceopi!

Juan 4:33

Nache soua lapaxaguenataqa nnattega't, 'eetra': –¿Ỹoqta da huo'o co'ollaxa ca ndoi' ca aloq damaxa?