Mateo 16:4 - La'aqtaqa Ñim Lo'onatac 'Enauacna 2013

⁴ Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Nuevo Testamento Toba Sur

⁴ Ne'ena shiÿaxauapi qauemaicpi qataq ÿalat ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit da qoÿami', cha'ayi chaqsota som n'anec mayi huaigui co'ollaxa so Jonás mayi qoÿan. Ime, nachi jec, ca'ai somayipi.

Nuevo Testamento Toba Sombrero Negro

⁴ Jenjo' jiyaĝadipi jo'ne loeco lo'olpi nataq'aen ja yataĝalegue yiyaĝataque ga'me 'nanec 'me qoyoqoch'em; qalaĝaja ja yitaĝa qoyanema ga'me 'nanec, jalgata ga'me uaue ca'li ñe'me Jonás.” Yem qama'le yitaĝa ec ñe'me Jesús, ca'ae jogaa'me.

Mateo 16:4 Referans Kwoze

Jonás 1:17

Qalaxaye Ñim Nataxala', mashe ỹaqataxaatai' co'ollaxa aso nỹaq late'e da yaqto' iuoxonañi naqa'en so Jonás. Nache so Jonás ivi' soua tres na'axa'te qataq soua tres pe' da huetaigui na lauel asomaye.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Marcos 8:12

Qalaxaye So Jesús decovi, souaxat da sa ỹaỹamaxaren de'era, nache 'enapeco': «¿Ta'ainco' ye saq ỹet qami' da qauỹaxañiitaique ca na'anec maye sa qaỹauanapega? Ỹataqta 'eesa de'era qami' sa'axatema, da saishet da huo'o ca qami' qoỹanema.»

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Génesis 6:3

Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Oseas 9:12

Qaq na'aictaxa da ishet da ỹaqchet cam llalaqpi, qalaxaye Aỹem ñeqat qome da nachaalataxac, nache qaica ca ño'onaxatañi. Qaq choxoraxaso' qom sheca'ai ne'ena shiỹaxauapi.

Oseas 4:17

Qaq na Efraín ye ỹataqta nañaneguet da ỹa'amaqten nam ne'enaqtacpi. Qaq qaua'aqaita'a qome.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Isaías 57:3

Ña qanquiquiiuo qami' maye qami' llalaqpi da ñi'iyaqnataxanaxac, maye qauachegoqoiguet nam ncachetague' ana sa lhua qataq aca quisheguetaxai:

Jonás 1:1

Qaq huo'o so na'a'q nache Ñim Nataxala' 'enapega so Jonás, som llalec so Amitay, 'eeta':

Mateo 16:5

So Jesús qataq soua lapaxaguenataqa taitrague da le'ego aso lapel ye Galilea. Qalaxaye soua lapaxaguenataqa icoua'aisalo co'ollaxa da ỹache' aca nauole 'ayiiña.