Mateo 16:3 - La'aqtaqa Ñim Lo'onatac 'Enauacna 2013

³ Qaq da ña nte'etom, qalaq qoñiita': «Ỹoqta da qauem na na'a'q, cha'aye ỹataqta toc da nala' lliguisheguem qataq napalgui.» ¡Qami' maye qoñiitega da qami' llalqa Ñim Lo'onatac 'Enauacna! Ỹataqta qauaỹachiñi da qaua'axache da lataxac na piguem. Qaq ¿ta'ainco' qone' ye saishet da qauaỹaañi da nam so'ottacpi nagui namayepi la'anec Ñim Lo'onatac 'Enauacna?

Nuevo Testamento Toba Sur

³ Qaq da ña nte'etom, qalaq qoñiita': “Ÿoqta da qauem na na'a'q, cha'ayi ÿataqta toc da nala' lliguishiguem qataq napalgui.” ¡Qami' mayi qoñiitega da qami' llalqa ñi Dios! Ÿataqta qauaÿajñi da qau'axachi da lataxac na piguem. Qalaxayi qami' sa ishit da qauaÿajñi da qau'axachi cam naigui naua l'anqa'te naua souaqtaiguilo na'axa'te.

Nuevo Testamento Toba Sombrero Negro

³ nataq'aen nale nete' aueñiyaac: «Nayi ja no'en ga'me nolo' qa'a yetoĝomaq di'me piyem nataq'aen 'uo jena'me lo'oc.» Qom eja yataqachiñe da'me a'uaĝachetac da'me 'loyaĝac di'me piyem, qalaĝaja ¿toqoch'e ja auayachiñe da'me a'uaĝache'tape gaa'me 'nanaqa jo'ne uo'oe naa'me naajo' noloqo'ote?

Mateo 16:3 Referans Kwoze

Lucas 12:56

Qaq ¡qami' maye qoñiỹapec da qami' 'eesora! Qami' qauaỹaañi da qaua'axache na la'anaxatpi na piguem qataq ana 'alhua, qalaq ¿ta'ainco' ye saishet da qaua'axache da lataxac naua souaqtaiguilo na'axa'te nagui?

1 Crónicas 12:32

Qaq so nhuo' le'ecpi maye chegoxoguetpi so Isacar, ivi' doscientos so nataxala'pi maye ỹaỹateeta'aguelo naua na'axa'te, qataq ỹaỹateeta'a nam taỹa'a da ỹo'ot so Israel le'ecpi, qaq som lauo' le'ecpi ỹo'ottac nam damaxasoxoolecpi somayepi.

Lucas 13:15

Nache So Jesús ỹasat, 'eeta': –Qami' maye qoñiitega da qami' 'eesora, ¿peta'a saisheto' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashena, ca na'a'q mataxaqui da yaqto' ỹauegaxasom da nỹomaxan?

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Lucas 11:44

¡Ỹataqta qauem da qa'aita'ague! Cha'aye qami' qoñiita'am acam huachiqui maye sa qaila'a, nache na shiỹaxauapi petapeguelec.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Mateo 22:18

Qalaxaye So Jesús ỹaỹaten dam qauem 'eetapeguec somayepi. Nache 'enapega, 'eeta': –Qami' maye qoñiitega da qami' 'eesora, ¿ta'ainco' ye Aỹem qavi'iguiñiitac?

Mateo 15:7

¡Qami' ỹataqta qami' tenataxanaxaiqa! Ñim Lo'onatac 'Enauacna ỹataqta 'eesa co'ollaxa so la'aqtac, chegoqchigui naqa'en so la'aqtaxanaxanec le'enaxat Isaías maye, 'eeta':

Mateo 7:5

¡'Am tenataxanaxaic! 'Aua'auaxaañi da 'anqat ye maiche 'artagoxoshet 'epaq laỹe maye huetaigui añi 'ara'aite, yaqto' ỹoqta 'anauaachiguiñi da 'anqat ca ltagoxoshet 'auaqpi lte ca 'arqaỹa.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Hebreos 5:14

Qalaxaye nam mashe ỹauatton ca 'onaxaic qataq ca qauem qataq mashe naỹa'ac da ỹo'ottac, nache 'eeta'am ca shiỹaxaua mashe ỹe, maye ishet da chec ca nallec sa nsatta.