Mateo 16:27 - La'aqtaqa Ñim Lo'onatac 'Enauacna 2013

²⁷ Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Nuevo Testamento Toba Sur

²⁷ Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Nuevo Testamento Toba Sombrero Negro

²⁷ Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 16:27 Referans Kwoze

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Salmos 62:12

qataq Ñimaye lalamaxat da nsoxoyec, qataq da isheeten ñi 'oonolec, qalaq ipacchigui naqa'en ca lo'onataxanaxac.»

Romanos 2:6

Qaq que'eca na'a'q Ñim Lo'onatac 'Enauacna ỹami' ñi 'oonolec cam naigui ca lo'onataxanaxac.

Romanos 14:12

Qaq ỹoqo'oye 'enauac da shenaqta ñachaataqot qome Ñim Lo'onatac 'Enauacna, da yaqto' Ñimaye qomi' nmi't.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Efesios 6:8

Cha'aye qauaỹachiñiita da ỹoqta 'eesa da So Qarataxala' isheeten da qoñiita, souaxat nam ỹaỹamaqchiguiñipi maye qauo'oche, saishet da ỹectega da qami' nlataqa huo'otaq da qami' huesochiyiñi.

Judas 1:14

So Henoc som huetoigui da siete nqochen na llalaqpi so Adán, somaye ỹa'axata'a co'ollaxa ne'ena shiỹaxauapi co'ollaq 'eeta': «Ñaq qauloỹa Nam Lo'onatac 'Enauacna anacta, nnaictague' na qalota maye saishet da qaivi' da qanaloqten lamaxashecpi piguem le'ecpi.

Proverbios 24:12

Cha'aye na'aictoxo' da qonapec sa 'auaỹaten de'era, qalaxaye Ñi nmit 'enauacna, Ñimaye ỹaỹateetac damaye qataq Ñim 'am ilotague' ỹaỹateeta de'era, Ñim isheeten qome ca lo'onatac ñi 'oonolec shiỹaxaua.

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Da na'aqtaguec so Job 34:11

Ñimaye isheeten ca naigui da lo'onataxanaxac ñi 'oonolec, qataq ipacchigui da ỹanem ca chegaqaigui da no'on lataxac.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Lucas 21:27

Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Marcos 14:62

Nache So Jesús ỹasateguet somaye 'enapeco': –Aja', Nachaỹem. Qaq qami' qauloỹa'aguet qome Aỹem Shiỹaxaua Llalec, da ñanac da sootalec ca lo'oc na piguem, ñanactaigui da la'añaxac qataq da 'enec Ñim Lo'onatac 'Enauacna maye qaica ca ỹaqalanapec.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Ezequiel 7:27

Nache ca nta'a ỹaayiñi qome caua alogo maye lasouaxaqui', qaq ca nataxala' qalaq huetaigui qome da laquicoxo, qaq na nhuo' le'ecpi qalaq iviloxol qome. Cha'aye Aỹem sanem qome namayepi cam naigui na ỹo'otpi, qataq ñimit nam lasouaxashetpi, 'eeta'am namayepi naxa da huo'o na nmit. Qaq huaña nache ỹaỹaten da nachaỹem maye Aỹem Nataxala'.»

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hechos 1:11

Qaq se'esoua ỹale't 'ena'apo': «Qami' Galilea lashe', ¿ta'ainco' ye qauloito'ot na piguem? Se'eso Jesús maye qami' nallegoqtoiguilo, taigue da piguem, Somaye qome qaltaq ñe'eguelaq. Qaq que'eca lle'eguelaxasoxoc, nache 'eeta'am qome de'era llecỹaxac maye qauauañiichigui.»

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

1 Pedro 1:17

Ñim Lo'onatac 'Enauacna, nacheñi ñi nmit 'enauacna qataq qaica ca imatalec da lauoche. Nachaqrata da ipagaqchiichigui cam ỹo'ot ñi 'oonolec da shenaqta qataq ỹa'axat da huo'otaq iuen da ỹauo'o ca nhuaxanaguec huo'otaq ỹauo'o ca nsheetenaguec. Qaq ỹoqo'oye da qami' qoñiỹapec da Qarta'ai Ñim Lo'onatac 'Enauacna, nache iuen da huo'o naq 'enec qanqa'eñi Ñimaye 'enauaque naua na'axa'te da qanachaalataxaqui da qoñiitalec ana 'alhua.

Lucas 22:69

Qalaxaye Aỹem Shiỹaxaua Llalec, mashe yaqta'a da ñeso'oota'ague da aloic Ñim Lo'onatac 'Enauacna maye qaica ca ỹaqalanapec.

Lucas 9:26

Da huo'o ca Aỹem ncoxolec qataq da ỹapaxaguenataxanaxac, nache Aỹem Shiỹaxaua Llalec nataqa'en ñecoxolec camaye, qom ivita da ñe'eguelaq da ñanactaigui da ỹa'añaxac qataq da la'añaxac Ñi Ita'a qataq nam qui'itta lamaxashecpi.

Mateo 13:49

Qaq 'era da 'eetec qom ivita ca loga't ana 'alhua, da anac nam namaxashecpi, da yaqto' nqateua'a na qauemaicpi, da nqateeguesop nam no'on da lataxac.

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

Mateo 13:41

Aỹem Shiỹaxaua Llalec samaq qome na ỹamaxashecpi da yaqto' nqateeguesop da ỹo'onataxanaxac 'enauac nam shiỹaxauapi maye qauem na ỹo'ottac qataq ỹayen na laỹepi da nataqa'en ỹo'ot ca qauem.

1 Corintios 8:8

Qalaxaye da qarataxac maye na'attaua'a Ñim Lo'onatac 'Enauacna saishet da no'onaxat huo'otaq na'aqchet cam nallec maye sacheguenaq.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Eclesiastés 3:17

Qaq ỹoqo'oye aỹem shenapec da Ñim Lo'onatac 'Enauacna, nmit qome ca ỹale maye no'on da lataxac, qataq ca 'etaxaloxoic, cha'aye huo'o ye laloqo' 'enauac nam yo'oq qataq nam qaỹo'otpi.

Ezequiel 18:20

Qaq nachecata cam huo'o ca lasouaxashet da ileu qome. Qaq cam ñalec saishet da isheeten ca lasouaxashet ca lta'a, qataq cam nta'a saishet da isheeten ca lasouaxashet ca llalec. Qaq ca no'on da lataxac, qalaq ỹaconeguet qome ca lasheechiỹaxac ca nalochiguiñi lataxac maye ỹo'ot, qaq ca qauemaic qalaq ỹaconeguet qome ca nhuaxanaguec souaxat dam qauem lataxac.

Juan 21:22

Nache So Jesús 'enapeco': –Da Aỹem ñeshetaique da namaye nache 'eetai' da nca'altauec, choche ivitta'a qom Aỹem ñe'eguelaq, qaq ¡'aua'aqta'a qome namaye, saishet da 'atapegueua'a! 'Am, qalaxaye Aỹem qoquegue.

Juan 21:23

Nache jec de'era na'aqtaxanaxac da huetaigui som ca'attague'pi So Jesús da se'eso paxaguenaxaua, somaye qoỹeetega da saishet da ileu. Qalaxaye So Jesús saishet da 'eetega somaye da saishet da ileu. Cha'aye de'era 'enapec, 'eeta': «Da Aỹem ñeshetaique namaye da nache 'eetai' da nca'altauec, choche ivitta'a qom Aỹem ñe'eguelaq, qaq ¡'am saishet qome da 'atapegueua'a namaye!»

1 Corintios 3:13

Ca lo'onatac ñi 'oonolec, yo'oq qom ivita ca pa'atec na'a'q. Cha'aye qom ivita ca pa'atec na'a'q, nache Ñim Lo'onatac 'Enauacna, ỹe'eguen na lo'onatac ñi 'oonolec. 'Eeta'am da qaỹe'eguenec ca norec ca no'onataxanaxat maye seuenaq da so'onataxanaxa.

1 Corintios 15:23

Qalaxaye ñi 'oonolec ỹataqta ca maiche laloqo' da qaltaq qanca'alaxatec. So Cristo mashe sogote la'auaxanec da nca'alec qanqa'en. Qaq qom ñe'eguelaq Somaye, nache nca'alec nam quichiguiñi' da ỹa'amaqteetac Somaye.

Colosenses 3:25

Qalaxaye 'enauac nam ỹo'ottac ca sa ỹaỹamaxañi, qalaq Ñim Lo'onatac 'Enauacna ỹauo'o ca nhuaxanaguec, ipagaqchiichigui cam qauem maye ỹo'ottac. Cha'aye Ñimaye saishet da lca'atagui na shiỹaxauapi.

Santiago 5:7

Qalaxaye qami' ỹaqaỹa't, ỹataqta qauauo'oi da qanhualaxaunaxaqui, qataq saishet da leetapigui ye qarvilli, cha'aye mashe saqaỹaloq da nvi' So Cristo maye Qarataxala'. No'on da qaue'enaxache da lataxac na shiỹaxauapi maye netauga na no'onaxa, da ỹataqta huo'o da lhualaxavic da iuattaique ca auot, qataq nataqa'en huo'o da naquitaxac da ana 'alhua ỹami' ca no'on ala ca lañiguishec.

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.