Mateo 16:23 - La'aqtaqa Ñim Lo'onatac 'Enauacna 2013

²³ Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Nuevo Testamento Toba Sur

²³ Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Nuevo Testamento Toba Sombrero Negro

²³ Jesús 'viyelaq ca'li qama'le enapega ñe'me Pedro: —¡Jayem oca'e, Satanás, qa'a ena'am ta'le am japoguelaĝatapecot! Qa'a ja auenate'talo gaa'me uo'oe 'me loqo'te ñe'me Dios, dite gaa'me ch'e lelnataĝaco ga'me jiyaĝaua.

Mateo 16:23 Referans Kwoze

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Colosenses 3:2

Qaq ỹataqta nda'a't ca hueta'ague da piguem da tatapigui ye qarvilli, qaq saishet da qauennacheetapega nam huetalec ana 'alhua.

Marcos 8:33

Qalaxaye So Jesús namatapec da ỹamataiguilo soua lỹa't lapaxaguenataqa, nache nlaxa so Pedro, 'eeta': «¡'Am Pedro de'era 'artaxaỹaxac qoneta'am so pa'aguenataxanaxaic! ¡Aỹem qoca'ai, cha'aye sa 'auaỹaten da 'eetapeguec Ñim Lo'onatac 'Enauacna! De'era 'arataxac 'eeta'am ca choche shiỹaxauatto.»

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Lucas 4:8

Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Romanos 14:13

Qaq ỹoqo'oye saishet ca 'oonolec da qoñiita da quetapeguelec ca lỹa. Nachaqrata da saishet da qomi' qanmaxaleguete da huo'o cam 'oonolec nam ca'attague' So Cristo da huo'o ca lasouaxashet, nache deqat da lpi'iỹaxac Ñim Lo'onatac 'Enauacna.

1 Crónicas 21:1

Qaq se'eso pa'aguenataxanaxaic dataỹa'aguet co'ollaxa so Israel le'ecpi, nache ỹayena'a so David da ỹo'ot aso le'enaxat lmalate so Israel le'ecpi.

2 Samuel 19:22

Nache so David, 'enapeco': Qami' llalqa aso Seruyá, saishet da qa'aitapegueua'a de'era, cha'aye damaye maiche ỹalamaxat. Qataq ¿ta'ainco' da qansheetaique da 'eco' qami' ñepa'aguenaxau'? Qataq ¿ta'ainec taxa da huo'o ñaqa'en ca ileu nagui, ye mashe saỹaten da qaltaq aỹem lta'a na Israel le'ecpi?

Isaías 8:14

Ñimaye 'eeta'am qome aca qoina da qami' nqovi'n, qataq 'eeta'am ca coma' da qaipogolaxaisop, qataq nacheñi ñim huerañi qome naqa'en soua dos nta'al na Israel, qataq Ñimaye 'eeta'am qome aca qoina da loxonec nam hueta'a ye Jerusalén.

Romanos 14:21

Qaq ỹoqo'oye 'onaxaic da saishet da qanallec na lapat qataq saishet da qanỹomgui na lataxa qataq saishet da qaỹo'ot ca camachaqca lỹa cam ishet da huañi naqa'en ca na'amqaanataxanaxaua.

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Mateo 16:22

Nache so Pedro iỹotauga So Jesús, nache ỹataqta 'enapega souaxat da nasaxauec de'era, nache 'eeta': –¡Ñim Lo'onatac 'Enauacna 'am ntelaqna'aguet qome de'era 'am Ỹataxala' da yaqto' saishet da huo'o ca qouaigui!