Mateo 16:19 - La'aqtaqa Ñim Lo'onatac 'Enauacna 2013

¹⁹ Qaq 'am Pedro, 'am sami' da 'ara'añaxac da qonetaigui da lo'onataxanaxac Ñim Lo'onatac 'Enauacna. Qaq 'enauac nam lataxacpi maye saishet da 'auashen ana 'alhua, qaq nataqa'en Ñim Lo'onatac 'Enauacna maye neto'ot na piguem saishet da ỹashen. Qaq nam lataxacpi maye 'auasheeta, nataqa'en Ñim Lo'onatac 'Enauacna ỹasheeta.

Nuevo Testamento Toba Sur

¹⁹ Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Nuevo Testamento Toba Sombrero Negro

¹⁹ Am janema qomle ga'me lo'ol da'me qo'youategue joda'me lejaliaĝa di'me piyem; ga'me auecoñe' 'me ue'ta jena'me aleua, nach'e ena'am qoyecoñedeta't da'me daja' piyem, nataq'aen ga'me auejoye 'me ue'ta jena'me aleua, nach'e ena'am qoyejotañe da'me daja' piyem.

Mateo 16:19 Referans Kwoze

Mateo 18:18

Qaq ỹataqta 'eesa de'era qami' sa'axatema, da ca qami' sa qauashiñi ana 'alhua, qalaq nataqa'en Ñim Lo'onatac 'Enauacna maye imattalecna saishet da ỹashen. Qataq cam qami' qauashiñiita ana 'alhua, qalaq nataqa'en Ñim Lo'onatac 'Enauacna ỹasheeta.

Isaías 22:22

Nache sanem qome aca lvinaqte ñi nỹec maye lalamaxat so David; nache qaica ca ishet da ỹapogui cam ỹauatogui ñimaye, qataq qaica ca ishet da ỹauatogui cam ỹapogui ñimaye.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

Juan 20:23

Qaq cam qami' qauapalaxache na lasouaxashetpi, nache Ñim Lo'onatac 'Enauacna ỹapalaxat na lasouaxashetpi. Qaq cam saishet da qauapalaxache na lasouaxashetpi, nache Ñimaye saishet da ỹapalaxat na lasouaxashetpi.

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

2 Corintios 2:10

Qaq ỹoqo'oye nagui cam qami' mashe qauchoxoyiñi, qaq nataqa'en aỹem sechoxoren camaye. Cha'aye cam aỹem sechoxoren da huo'otaq huo'o ca ỹasouaxat, qalaq camaye sechoxoren souaxat da qoñiita. Qaq damaye ỹauaachigui ñaqa'en So Cristo.

Apocalipsis 9:1

Qaq co'ollaq ivita so cinco soua siete namaxa'she piguem lashe' da ỹashiiyigui aso lasheere, nache sela'a aso 'oonole huaqaañi maye chegoqo'ot co'ollaxa na piguem da talec ana 'alhua. Nache asomaye qoỹami' aso lvinaqte ca lasom ca auac maye ñegueuo da taỹaña cam ỹataqta qaỹoqchiguiña ncoñetaqa' nam saqcha'a na'añaxacpi qauemaicpi.

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Hechos 15:7

Qaq co'ollaq mashe qaỹoqtegue da ntaxaỹaxac, nache so Pedro nachaañi, nache 'enapeco': –Qami' ỹaqaỹa't, qami' qauaỹaañi da Ñim Lo'onatac 'Enauacna aỹem ỹaconeua'a co'ollaxa, aỹem ỹachegoxottoigui da qoñiita, da yaqto' aỹem sa'axatem da no'on na'axaỹaxac na saishet da judiopi, da yaqto' da'amqaanataxan.