Mateo 16:16 - La'aqtaqa Ñim Lo'onatac 'Enauacna 2013

¹⁶ Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Nuevo Testamento Toba Sur

¹⁶ Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Nuevo Testamento Toba Sombrero Negro

¹⁶ Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

Mateo 16:16 Referans Kwoze

Mateo 14:33

Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Juan 11:27

Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

1 Juan 4:15

Da huo'o ca shiỹaxaua da ỹa'amaqten So Jesucristo da Llalec Ñim Lo'onatac 'Enauacna, qaq que'eca shiỹaxaua qataq Ñim Lo'onatac 'Enauacna ỹataqta na'atta'a't, 'eeta'am da 'oonolec.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

1 Timoteo 4:10

Qaq nachera da huo'omshe ña'añaxataqtac, cha'aye mashe hueto'ot Ñim Lo'onatac 'Enauacna da qanaquitaxac. Ñimaye maye nache 'eetai' da nca'altauec, qataq nacheñi ñi lca'alaxaqui 'enauac nam ỹa'amaqten Ñimaye, qalaxaye nataqa'en 'enauac na laỹepi shiỹaxauapi.

Hechos 9:20

Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

1 Juan 5:5

Cam ỹa'amaqten So Jesús da llalec Ñim Lo'onatac 'Enauacna, nache camaye nauec na lataxacpi ana 'alhua qataq na qauemsat.

Hebreos 10:31

Qaq ¡ỹoqta da ỹataqta ỹactec da lchecỹaxac ca lhuaxanaxanaxac maye ỹan Ñim Lo'onatac 'Enauacna maye nache 'eetai' da nca'altauec!

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Marcos 14:61

Qalaxaye So Jesús ỹe'emaqtom, saishet da ỹasat. –Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qaltaq ỹe'eguelaxalec da inat, 'eeta': –¿Peta'a nache 'am maye 'am Lca'aguishec Ñim Lo'onatac 'Enauacna, qataq 'am Llalec Ñimaye, maye 'enauac da qaỹo'oxoreetac?

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Deuteronómio 5:26

cha'aye, ¿negue'to' ca choche shiỹaxauatto da hua'aqchigui da lavilỹaxac Ñim Nataxala', chemaqtapoigui ca norec, qaq nache 'eetai' da nca'altauec da 'eeta'ama qomi'?

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

1 Timoteo 3:15

yaqto' da aỹem lcopa'aguet, qalaxaye mashe lhuotta da 'auaỹaten ca lataxac ca 'oonolec nam llalaqpi Ñim Lo'onatac 'Enauacna, maye nachena nam ỹa'amaqten Ñim Lo'onatac 'Enauacna maye ỹataqta nca'altauec. Namayepi nachena na nlletañi qataq npaxattalec da 'eesa lataxac.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Salmos 42:2

Ỹataqta huo'o na ỹaquip da ñimittaique Ñim Lo'onatac 'Enauacna, Ñim Lo'onatac 'Enauacna maye chegoqo'ot da nca'alaxa. Qaq ¿chaq laguio' da ñachaateua'a Ñimaye?

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Juan 6:69

Qomi' mashe sogote da 'am sa'amaqtenaq, qataq saỹaanaqta da nache 'am Lca'aguishec qataq 'am Llalec Ñim Lo'onatac 'Enauacna maye nache 'eetai' da nca'altauec.

Mateo 1:16

José som lhua aso María maye late'e So Jesús Som Lca'aguishec Ñim Lo'onatac 'Enauacna.

Mateo 16:15

Nache So Jesús 'enapeco': –Qaq qami', ¿Ca 'eetec ca qarauattonaxanaxaqui Aỹem?

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Juan 6:57

Ñim Ita'a maye Aỹem namaq, Ñimaye huo'o da la'añaxac da ỹan da nca'alaxa chochaq tatec, qaq Ñimaye nacheñi ñi chegoqo'ot da ica'alaxa. Qaq ỹoqo'oye 'enauac nam Aỹem ỹa'amaqten qataq chec da ỹo'ocỹaxac, huo'o qome da lca'alaxa chochaq tatec.

Juan 6:68

Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

2 Corintios 1:19

So Timoteo, Silas qataq aỹem qami' sa'aqtaxanaqteguema dam na'aqtaguec So Jesucristo, Som Llalec Ñim Lo'onatac 'Enauacna. Somaye saishet da nasaxauec ca la'aqtac, ime, nache sa ipaguelec. Nachaqrata da huo'o da la'aqtac, nache ỹataqta ipaqueelec.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]