Mateo 15:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye qaica ca naigui da Aỹem qavio'oxoyiñiitac, cha'aye maiche qauo'oche' naua lataxaco da qarapaxaguenataxanaxaqui, ime nache qauapaxaguenataxañic qoñiitega da Aỹem qami' samaxaleguete.›»

Nuevo Testamento Toba Sur

⁹ Qaq shapco' da aÿim i'otec da lli'oxonnataxanaxac, cha'ayi naua lapaxaguenataxanaxaco, naamayi maichi lqataxaco na shiÿaxauapi.

Nuevo Testamento Toba Sombrero Negro

⁹ Qaya'te chiyaqayi da'me jayem 'nonaĝachidegue, qa'a chiyaqayilo gaa'me lamaĝajoĝonaĝaco jogaa'me ch'e jiyaĝa'u.»

Mateo 15:9 Referans Kwoze

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Marcos 7:7

Ỹataqta qaica ca naigui da Aỹem qavio'oxoyiñiitac, cha'aye maiche qauo'oche nam lataxacpi, ime, nache qauapaxaguenataxañic, qataq qoñiitega da ỹamaxasoxonaxac.»

1 Timoteo 1:4

Qataq qonapega da saishet da ima'ape naua na'axa'te da napaxagueetega da na'aqtaxanaxac maye saq 'en, qataq ana naneraxalate som hua'au lta'alpi. Cha'aye nam lauela de'era, nache qaica ca naigui da ncotaxac, qataq damaye saishet da itauan ca shiỹaxaua da huotaique da ỹaỹaten dam ỹoqta 'eetapeguec Ñim Lo'onatac 'Enauacna. Cha'aye dam 'eetapeguec Ñimaye ishet da saỹatenaq da sepi'iỹaqa'a Ñimaye.

Tito 1:14

qataq nale'en da sa iqocha'a na choche na'aqtaxanaxacpi maye chegaqaigui na judiopi, qataq na lamaxasoxonaxac nam saishet da ỹaconeguet da 'eesa lataxac.

Hebreos 13:9

Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.

Santiago 2:20

Saishet da qaica ca 'auaỹaanapec. Iuen da 'aua'amaqten da qaica ca naigui da qonetega 'aualaxaguet Ñim Lo'onatac 'Enauacna qataq qonetega 'aua'amaqten Ñimaye da saishet da huo'o ca 'auo'ot ỹaỹamaqchiguiñi.

1 Samuel 25:21

Qaq so David ñaq cha'ago' da detaqtac, 'eeta': «Choche ne'en da ñauaatalec so na'atetpi ca Nabal co'ollaq huetalec ye toolec 'alhua, da qaica ca seỹaxaneua'a da lasheue ñaqa'en, qaq nagui qalaq aỹem iro'oguet da qauem da no'on maye so'otec.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Salmos 73:13

Qaq ỹataqta qaica ca naigui da qui'itta ñaqa'en añi iquiyaqte, qataq da qui'itte' ñaqa'en naua ihua'q da saishet da ỹashelgui ca qauem.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Levítico 26:20

Qataq shaco' da qana'añaxachiitac da qauo'ocheetac ca qana'alhuai, ye camaye qaica ca lañaxataxac, qataq aca qo'oipaqpi ca no'onaxa qaca aca ala.

Levítico 26:16

nache Aỹem qami' ñamaxalo qome ca ncolanaxa lta'araic, qataq ca nalolaxasat maye qanlem, qataq ca napaxa maye ỹo'ot na ne'eraxa, qataq na'aqche't naua na'ai'te, qataq qaica naqa'en ca la'añaxac da no'ocỹaxac, qataq choche qaỹa'añiiteguiñi qome ca qa'añiguishequi, qalaxaye ca qampa'aguenaxauaipi nacheca ca chec ca ala camaye.

Apocalipsis 22:18

Qaq 'enauac qome na hua'aqchigui de'era la'aqtaxanaxac Ñim Lo'onatac 'Enauacna maye nanettalec ana'ana nere, aỹem seqata namayepi, sheeta': Da huo'o ca nqottenec nam nanettalec ana'ana nere, nache Ñim Lo'onatac 'Enauacna ỹauo'o ca lta'araic nque'eenaxac, iuaxaneque naua napaxaco maye nanettaleguete ana'ana nere.

Malaquías 3:14

Qomye qami' qoñeỹapec naxa: Da qaỹo'onataxaatacot Ñim Lo'onatac 'Enauacna, qaica ca naigui. ¿Negue'to' cam sachegoxotaqaigui da so'otaqtac dam lamaxasoxonaxac Ñimaye, da sanaqtrañi naua qarasouaxaqui da sataqto'ot Ñim Nataxala' maye Qaica ca Ỹaqalanapec?

1 Corintios 15:2

Da qoquiito'ot da qanaquitaxaqui de'era no'on na'axaỹaxac, nache qarca'alliiuec. Qaq da saishet, nache qaica ca naigui damaye co'ollaxa da qauacoñiiguet.

Mateo 15:10

Nache So Jesús iỹaxana so shiỹaxauapi da nquigueuo, nache 'enapega, 'eeta': –Ña qana'axaỹaxañiỹa da ỹa'aqtac, qataq no'on da Aỹem qauaỹaañiteguet: