Mateo 15:4 - La'aqtaqa Ñim Lo'onatac 'Enauacna 2013

⁴ Cha'aye Ñim Lo'onatac 'Enauacna, 'eeta': ‹Ỹataqta huo'o naq 'enec 'anqa'en ca 'arta'a qataq aca 'arate'e›, qataq nataqa'en, 'eeta': ‹Ca shiỹaxaua da sa iyacnapec ca lta'a huo'otaq aca late'e, qalaq camaye qaỹalauat.›

Nuevo Testamento Toba Sur

⁴ Cha'ayi ñi Dios damaxasoxoolec co'ollaxa da 'eeta': “Ÿataqta huo'o naq 'enec 'anqa'en ca 'adta'a qataq aca 'adate'e.” Qataq nataq'en 'eeta': “Ca ishiuen ca lta'a huo'otaq aca late'e, qalaq camayi qaÿalauat.”

Nuevo Testamento Toba Sombrero Negro

⁴ Qa'a Dios enaac: «A'nonaĝachigui ñe'me adet'a nataq'aen jañe'me adat'e», nataq'aen «Ñe'me jo'ne ye'uetac ga'me let'a uotaĝa jaga'me lat'e nach'ega qoyamaĝaue da'me leleuaĝa qaedi qoyalat.»

Mateo 15:4 Referans Kwoze

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Levítico 20:9

Qaq ca shiỹaxaua da ilarapiguiñi ca lta'a huo'otaq aca late'e, nache camaye qaỹalauat, nache maiche nasouaxaala't da ileu.

Éxodo 21:17

Qataq cam isheuen ca lta'a, huo'otaq aca late'e, camaye qaỹalauat.

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Proverbios 23:22

Ỹataqta 'aualaxaguet ca 'arta'a maye 'am lo'onatac, qataq saishet da 'auo'otan aca 'arate'e qom mashe ỹa'axaina'.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Mateo 19:19

'aualaxaguet qataq 'antela'a ca 'arta'a qataq aca 'arate'e, 'auauotec na laỹe shiỹaxauapi, 'eeta'am da 'arauotaxanaqtaic da maiche 'anachaalataxac.

Efesios 6:1

Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Proverbios 20:20

Ca isheueetac ca lta'a huo'otaq aca late'e, qalaq camaye taỹa'a da ileu, nache taigui ca ỹataqta chaqaic napalaxa.

Deuteronómio 27:16

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ca lta'a, qataq aca late'e. Nache 'enauac qome na nhuo' le'ecpi, 'eeta': Aja', nache 'eetec.

Romanos 3:31

Qalaxaye da huo'o da qarpi'iỹaxac So Jesús, nache damaye saishet da ỹa'axat da na namaxasoxonaxacpi maye chegoqo'ot so Moisés da qaica ca naigui. Nachaqrata da huo'o da qarpi'iỹaxac Somaye, nache ichoxot da huo'o naq 'enec ñaqa'enaq nam nqataxacpi.

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Mateo 15:3

Nache So Jesús denataxan, 'eeta': –«Qami' nataqa'en ¿ta'ainco' ye saishet da qaualaqaileguete naua lamaxasoxonaxaco Ñim Lo'onatac 'Enauacna, nda'a't da maiche qoquiitague' da maiche qarataxaqui?

Mateo 15:5

Qalaxaye qami' qoñiitega, da ca 'oonolec da yaqto' saishet da sa ỹalaxaguet Ñim Lo'onatac 'Enauacna, nache 'enapega ca lta'a, 'eeta': ‹Saishet da 'am setauan, cha'aye 'enauac na aỹem hueto'ot mashe sogote da sanot Ñim Lo'onatac 'Enauacna, ivira'a ana aỹom.› Qami' saishet da qaualaqaiguet da lamaxasoxonaxac Ñim Lo'onatac 'Enauacna, nda'a't da qoquiitague' da maiche qarataxaqui.