Mateo 15:23 - La'aqtaqa Ñim Lo'onatac 'Enauacna 2013

²³ Qalaxaye So Jesús saishet da ỹasateguet asomaye. Nache soua lapaxaguenataqa ana'c da nachoxoreetracot Somaye, 'eetra': –Ña 'auqocha'actaxa, ten, qomi' nca'attaleguete anamaye ỹa'alaqtai'.

Nuevo Testamento Toba Sur

²³ Qalaxayi so Jesús sa ishit da ÿasateguet asomayi. Nachi soua lapaxaguenataqa ana'c da nachoxodeetracot somayi, qoÿiita': –Ña 'ai'anem cam iÿaxaataique, ten, qomi' nca'attalguete anamayi, i'alaqtai'.

Nuevo Testamento Toba Sombrero Negro

²³ Jesús ja 'yateguet. Chane'eja jogaa'me lapaĝaguenataqa davitedapeuo qama'le nachoĝodetot: —Auenapega janjo' yauo qaedi qo'mi ca'ae, qa'a niyaĝatapejeguem da'me qo'mi dajota'yelo.

Mateo 15:23 Referans Kwoze

Mateo 14:15

Qaq co'ollaq mashe avit, nache soua lapaxaguenataqa So Jesús ana'c da qoỹenapega Somaye, qoỹeeta': –Ne'ena souaqta'a ỹataqta toolec qataq mashe avit. Qonapega taxa na shiỹaxauapi da nqo'ona na nỹecpi da yaqto' desheenaxana ca aloq.

Lamentaciones 3:8

Qaq na'aictaxa da ña'alaqtapiguiñi, da seỹaxaatacot da aỹem itauan, qalaxaye saishet, da qochetega da ñachoxonnaxac,

Salmos 28:1

Nagui 'am ñachoxonnot 'Am Nataxala', maye aỹem 'ampaxattalec, saishet qome da aỹem sa 'auasateguet, cha'aye da aỹem sa 'aua'axaỹa, nache 'eeta'am da mashe salectaigui na leuaxaicpi.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Génesis 42:7

Qaq so José co'ollaq choche ila'alo soua lqaỹa't nache ỹauatto'n, qalaxaye ỹauota'a da 'eco' sa ỹauatto'n, nache sa ichera'ape co'ollaq inatta'ape, 'eeta': «¡Qami'! ¿Hua'ague ca qauachegoqỹa'ague?» Nache soomaye 'ena'apo': «Qomi' sachegoxosoqta'a ye 'alhua Canaán, qaq ñanaguenaq da sesheenaxanaxa na trigo.»

Mateo 15:22

Nache huo'o aso 'alo maye lma' yi'iye 'alhua asom chegaqaigui nam iỹaxana naxa na judiopi qalaq Cananeo, asomaye naua'a So Jesús, nache na'axanneque naua la'aqtaqa, 'eeta': –¡'Am Ỹataxala' maye 'am Lca'aguishec Ñim Lo'onatac 'Enauacna, aỹem 'auchoxoren qome aỹem 'autauan! ¡Añi ỹale huo'o so netaigui saqcha'a na'añaxac leguemaxaic maye ỹo'ottac da lta'araic nque'eenaxac!

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.