Mateo 15:18 - La'aqtaqa Ñim Lo'onatac 'Enauacna 2013

^18-20 Qalaxaye na shiỹaxauapi da qauema naua la'aqtaqa, qaq 'eetec de'era cha'aye namayepi qauemaicpi qataq nache 'eetai' da iuennatega da qauem: 'eeta'am ca yo'oqchigui dalaataxan, qataq 'eeta'am ca ncachetague' aca sa lhua, qataq ỹo'ot na qauem, decache, isheueetac ca lỹa shiỹaxaua, qataq ỹatenachet. Qaq Ñim Lo'onatac 'Enauacna saỹaỹamaxaren namayepi da ỹo'oxoreetac Ñimaye. Qalaxaye ỹoqta 'eesa da camachaqca cam ishet da ỹo'oxoren Ñimaye na'aictaxa da saishet da iỹoi' naua lhuaxaye.

Nuevo Testamento Toba Sur

¹⁸ Qalaxayi nam l'aqtacpi mayi chigaqaigui na alap, namayi chigaqaña añi lquiyaqte. Qaq 'ena nam ishit da ishipaxanaqchit camayi.

Nuevo Testamento Toba Sombrero Negro

¹⁸ Qalaĝaja ga'me na'ya ga'me nedegaĝat ga'me jiyaĝaua chiyaqaue na'me lauel, qama'le naqaega en paĝachigui q'aen ga'me.

Mateo 15:18 Referans Kwoze

Proverbios 15:28

Ca ỹale no'on da lataxac qalaq hua'auñi da deuennataxaalec ca huotaique da nasaxauec la'aqtac, qaq naua la'aqtaqa ca qauemaic qalaq nlaqchiguilo na qauem.

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Proverbios 10:32

Ca no'on da lataxac qalaq no'oñi naua la'aqtaqa, qaq ca qauemaic qalaq qauema naua la'aqtaqa.

Proverbios 6:12

Cam qauemaic qataq 'etaxaloxoic, camaye ỹa'axattac na shepegaxanaxacpi,

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

1 Samuel 24:13

Cha'aye som na'aqtacaic naxa, 'eeta': «Nam qauem, chegaqaigui nam qauemaicpi.» Qaq ỹoqo'oye aỹem saishet da she'egueeta'a da 'anachaalataxac 'am nta'a.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Mateo 15:17

'Enauac nam sacheguenaq qataq ñeỹomaxagui tangui añi qara'am, ime, qaq huenoxonec.

Marcos 7:20

Nataqa'en 'enapeco': «Ca nshepaxanaqchet da nachaalataxac na shiỹaxauapi da nachatto'ot Ñim Lo'onatac 'Enauacna, nachena nam nasaxauec qataq nam ỹo'ottacpi.