Mateo 15:13 - La'aqtaqa Ñim Lo'onatac 'Enauacna 2013

¹³ Qalaxaye So Jesús 'enapeco': –Ñi Ita'a ỹo'otec qome na fariseopi da 'eeta'am ca ilotague' ca nañiguishe lma' da napoc aca qo'oipaq maye saishet da ỹaañi co'ollaxa: nmachitcheguem na lpa'a', ime nache ỹasaxauec.

Nuevo Testamento Toba Sur

¹³ Qalaxayi so Jesús 'enapeco': –Camachaqaca qo'ipaq mayi sa ishit co'ollaxa da ÿaañi ñi ita'a mayi neta'ague da piguem, nachi acamayi qanapoguishiguem qome.

Nuevo Testamento Toba Sombrero Negro

¹³ Joñe'me 'yategueta: —Ena'uac ga'me nanapi jo'ne ja naqaeñe ñe'me Taĝadena' ta'le yaañi, chayovida'alo gaa'me patadi qonapodijeguem qomle.

Mateo 15:13 Referans Kwoze

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Salmos 92:13

Qataq ñaxattalec ye lma' Ñim Nataxala', qataq dasovi da netaña ye nqasoxoc Ñim Qanatamnaxala'.

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

Mateo 15:12

Nache soua lapaxaguenataqa So Jesús nquiguereua'a Somaye nache 'eetrega, 'eeta': –Na fariseopi ỹataqta dalemata can hua'axaỹa de'era 'ara'aqtac.

Juan 15:1

So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Judas 1:12

Namayepi ỹataqta ỹo'ot da na'agaxa da ỹalectaigui da qarquia'axaqui maye naigui da nsoxoyec. Cha'aye namayepi da deque'e qataq da nỹom, qalaq saishet da iuata'a na laỹepi. Namayepi huotaique da nataxala'pi, qalaxaye maiche nhuogoqtapeguela't, 'eeta'am na napo maye qaica ca lla'ac 'etaxat, choche ỹachetac na la'at. Nataqa'en 'ena'am aca qo'oipaq maye qaca aca ala, cha'aye maye qanapogosheguem, qanmachetcheguem na lpa'a'pi, nache ỹataqta daqaqta.