Mateo 15:12 - La'aqtaqa Ñim Lo'onatac 'Enauacna 2013

¹² Nache soua lapaxaguenataqa So Jesús nquiguereua'a Somaye nache 'eetrega, 'eeta': –Na fariseopi ỹataqta dalemata can hua'axaỹa de'era 'ara'aqtac.

Nuevo Testamento Toba Sur

¹² Nachi soua lapaxaguenataqa so Jesús nquiguedeu'a somayi, nachi qoÿinapega, qoÿiita': –¡Na fariseopi ÿataqta dalemata can hua'axaÿa de'eda 'ad'aqtac!

Nuevo Testamento Toba Sombrero Negro

¹² Chane'eja nichide'uo gaa'me lapaĝaguenataqa ñe'me Jesús qama'le yachimaĝadeta: —¡Yataqachiñe dalemata'y joga'me fariseopi ca'li domachita ga'me anenaĝategue!

Mateo 15:12 Referans Kwoze

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Gálatas 2:5

Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

2 Corintios 6:3

Saishet da saỹamaxarenaq da huo'o ca quetapeguelec da qaro'onataxanaxac. Ỹoqo'oye ñepogoxoinaqtapegue' da saishet da qauem ca qana'aqtaguec.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Mateo 15:13

Qalaxaye So Jesús 'enapeco': –Ñi Ita'a ỹo'otec qome na fariseopi da 'eeta'am ca ilotague' ca nañiguishe lma' da napoc aca qo'oipaq maye saishet da ỹaañi co'ollaxa: nmachitcheguem na lpa'a', ime nache ỹasaxauec.