Mateo 15:10 - La'aqtaqa Ñim Lo'onatac 'Enauacna 2013

¹⁰ Nache So Jesús iỹaxana so shiỹaxauapi da nquigueuo, nache 'enapega, 'eeta': –Ña qana'axaỹaxañiỹa da ỹa'aqtac, qataq no'on da Aỹem qauaỹaañiteguet:

Nuevo Testamento Toba Sur

¹⁰ Nachi iÿaxanoigui so shiÿaxauapi da nquigueuo, nachi 'enapega, 'eeta': –Ña qan'axaÿaxañiÿa da i'aqtac, qataq qauaÿajñiiteguet qome:

Nuevo Testamento Toba Sombrero Negro

¹⁰ Qanach'e Jesús yiyaĝanalo ga'me jiyaĝadipi qama'le enaac: —Anaquiaĝañiya nataq'aen auayachiñe:

Mateo 15:10 Referans Kwoze

Colosenses 1:9

Co'ollaq choche saỹaanaq 'enauac de'era, nache qolaqtot da qami' ñeqouagaxaunaqtapegueleguete. Seỹaxanaqtacot Ñim Lo'onatac 'Enauacna da ña qami' ỹauattonaxanaxaneque dam ỹataqta 'eetapeguec Ñimaye, qataq da qami' ỹanema na ỹotta'a't naỹaaneguesat qataq da nauattonaxanaxac maye chegoqo'ot So Saqcha'a Na'añaxac Qui'itta.

Lucas 24:45

Huaña, nache itaua'n soomaye da ỹaỹate'n naua naiguilo naua ñiyigui'she maye nanettralec ana nere maye huetalec na la'aqtacpi Ñim Lo'onatac 'Enauacna.

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Mateo 13:19

Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Isaías 6:9

Qaq huaña nache Ñim Lo'onatac 'Enauacna aỹem 'enapega, 'eeta': «'Aue, 'anqo'ona qome na shiỹaxauapi nache qoneta': ‹Na'aictaxa da hua'aqtac qalaxaye saishet qome da ỹaỹaten, qataq na'aictaxa da demeenaxatac qalaxaye sa ỹaỹaaneguet qome de'era.›

1 Reyes 22:28

Nache so Micaía qaltaq 'enapeco': «Qom qaica cara, da 'anachaalataxac qom 'añe'eguelaq, qache saishet da nacheñi Ñim Nataxala', da aỹem ỹa'aqtaxanaxan.» Nataqa'en 'eeta': 'Enauac qami', qaua'aqaichigui de'era nagui.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Mateo 15:9

Qaq ỹoqo'oye qaica ca naigui da Aỹem qavio'oxoyiñiitac, cha'aye maiche qauo'oche' naua lataxaco da qarapaxaguenataxanaxaqui, ime nache qauapaxaguenataxañic qoñiitega da Aỹem qami' samaxaleguete.›»

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.