Mateo 14:8 - La'aqtaqa Ñim Lo'onatac 'Enauacna 2013

⁸ Nache aso Herodías ỹañoxot da ỹamaxalec aso llale da 'enapega so Herodes da 'eeta': «¡Sauotaique da sa 'auaỹaloxon nagui da aỹem 'andouga ca nquia'axaqui da huetagui 'anqa'en ca lqaic ca Juan maye nachelaxanataxanaq!»

Nuevo Testamento Toba Sur

⁸ Nachi asomayi i'auaxaañi da inat aso late'e. Qaq co'ollaq ime da qaÿaqattega, nachi 'enapego' so Herodes, 'eeta': –Aÿim 'ai'anem qome ca nqui'axaqui, huetagui 'anqa'en ca lqaic ñi Juan mayi nachilaxanataxanaq.

Nuevo Testamento Toba Sombrero Negro

⁸ Qama'le jaga'me, 'yaĝatem ñe'me Herodes ga'me jo'ne yapaĝaguenec jañe'me lat'e, enaac: —Jayem auanem ga'me laqaic ñe'me Juan 'me chilaĝanataĝanaĝaic, auachetañgui ga'me coqui.

Mateo 14:8 Referans Kwoze

Marcos 6:24

Nache aso qa'añole pa'auec, taỹa ca hueta'a aso late'e Herodías, nache inattaco', 'eeta': –¿Negue't ca ishet da seỹaxanaique? –Nache aso Herodías ỹasategueto' asomaye, 'eeta': –'Auỹaxaneua'a ca lqaic ca Juan maye nachelaxanataxanaq.

Proverbios 29:10

Na laataxanaxaicpi qataq qauemaicpi ỹaỹemec nam nalochiguiñi da lataxac, qataq huotaique da ỹalauat na no'on da lataxac.

Proverbios 1:16

cha'aye namayepi ỹataqta huo'o da lỹalaxa da ỹo'ot ca qauem, qataq iỹalata'a da icoldec naua ntago'q,

2 Reyes 11:1

Qaq aso Atalía, maye late'e so Ocozías, co'ollaq ỹaỹaten da ileu so llalec, nache asomaye nmatchiguiñi da ỹalauat som llalaqpi so nta'a.

1 Reyes 19:2

Nache aso Jezabel ỹamaq so lamaxashec da 'enapega so Elías, 'eeta': «Na atamnaxala'pi ỹataqta aỹem sa ỹala'ac da ỹauo'o ca ñeuaxanaguec qonte', qom ñaq 'eeta'am nagui da saishet da 'am se'enaqteeteguet da qonetec ñi 'oonolec som 'aualauatpi na'aqtaxanaxanecpi.»

1 Reyes 18:13

Qaq ¿peta'a saishet da 'am qaỹa'aqtaxanem da so'ot, co'ollaq aso Jezabel ỹalauattac so la'aqtaxanaxanecpi Ñim Nataxala' nache aỹem soxooñi caillaye so cien somayepi? Nache dos ñaqa'en soua nqañoxotaqa'ate, cincuenta ñaqa'en so nqañoxotoigui ñi 'oonolec se'esoua auaco, qataq saqoue ñaqa'en aso lqo nauole qataq so 'etaxat.

1 Reyes 18:4

qaq ỹoqo'oye aso Jezabel, co'ollaq damaxasoxoolec da qaỹalauat so la'aqtaxanaxanecpi Ñim Nataxala', nache somaye cincuenta naqa'en so nqañoxotoigui ñi 'oonolec soua dos auaco, qataq ỹaata'am co'ollaxa aso nauole qataq so 'etaxat.

Números 7:19

Qaq somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai, maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat chegaqaigui na ala so nañiguishec,

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,

Esdras 1:9

Nache so naloqñiguishecpi nogoxoshetpi, ivi' treinta aso ỹomaxaquipi late'eraipi oro, qataq mil aso ỹomaxaquipi late'eraipi plata, qataq veintinueve so ỹeelonecpi,

Mateo 14:7

Nache ỹanem asomaye da la'aqtac da ipacchigui da ỹanem cam camachaqca iỹaxanaique asomaye.

Mateo 14:9

Nache so nta'a Herodes ỹataqta daquico. Qalaxaye mashe ỹan so la'aqtac maye 'enapec da ipacchigui, qataq souaxat so lquia'axauapi maye hua'aqchigui co'ollaxa somaye, nache damaxasoxoolec da qoỹami' asomaye so iỹaxanaua'a.

Mateo 14:11

nache qaỹachagui so nquia'axaqui, ime nache qairouga aso qa'añole, nache asomaye ỹami' aso late'e.

Marcos 6:25

Nache aso qa'añole saqaỹaloq da ỹe'eguelaxaua'a ca hueta'a so nta'a. Nache 'enapego', 'eeta': –Ñeshetaique da sa 'auaỹaloxon nagui da aỹem 'aỹa'anem ca nquia'axaqui, 'auachetangui ca lqaic ca Juan maye nachelaxanataxanaq.

Marcos 6:28

nache ndoua'a aso qa'añole ỹachetangui so nquia'axaqui, nache asomaye ỹanem aso late'e.