Mateo 14:6 - La'aqtaqa Ñim Lo'onatac 'Enauacna 2013

⁶ Qalaxaye co'ollaq ivita so laloqo' da deque'elec so lañoxoqui so Herodes, nache aso llale aso Herodías dasottac, qaq 'enauac som lquia'axauapi imeteetac asomaye. Nache so Herodes ỹataqta nqopita da lasotaxac asomaye.

Nuevo Testamento Toba Sur

⁶ Qalaxayi co'ollaq ivita so laloqo' da deque'elec so lañoxoqui so Herodes, nachi aso llale aso Herodías dasottac, qaq 'enauac som lqui'axauapi imeteetac. Nachi so Herodes ÿataqta nqopita da lasotaxac asomayi.

Nuevo Testamento Toba Sombrero Negro

⁶ Qalaĝaja yovita jo'me nolo' lañoĝoqui ñe'me Herodes, jaga'me c'oqote jañe'me Herodías naloĝonegueta jogaa'me nepodae's da'me deualaĝai qama'le yataqachiñe 'yamaqaten ñe'me Herodes.

Mateo 14:6 Referans Kwoze

Génesis 40:20

Qaq co'ollaq mashe ivita so na'a'q tres, maye laloxoqui som lañoxoc so faraón, nache ỹo'ot so lta'araic lquia'axac da dequi'iỹa'ai' 'enauac so ltauapi. Qaq so faraón co'ollaq ña datataigui so lquia'axauapi, nache damaxasoxoolec da qanqateeguesopa aso ncoñetaxanaxaqui so lataxala' so ỹomaxaqui lo'opi, qataq so lataxala' so nauole lo'opi.

Marcos 6:17

Cha'aye so Herodes Antipas huaroneguet co'ollaxa aso Herodías maye lalamaqte lhua so lqaỹa Filipo, qaq so Juan co'ollaxa iviraxato'ot so Herodes, 'eeta' da la'aqtac: «Saishet da ỹaỹamaxañi da 'auauo'o 'arhua añi lalamaqte lhua so 'arqaỹa.» Qaq de'era ỹataqta inogoqchet aso Herodías, ỹoqo'oye, nache chegoqchiguiña da huo'o da lhuennataxac da ỹalauat so Juan da huo'o ca llegueuo. Qalaxaye so Herodes nda'a't da damaxasoxoolec da qaicoñerai' somaye da qoỹanaigui aso ncoñetaxanaxaqui late'erai.

Mateo 22:24

nache somayepi inattac So Jesús, 'eeta': –'Am Napaxaguenataxanaq, so Moisés co'ollaxa 'enapec da huo'otaq huo'o ca ỹale da huaron, qaq da ivita da ileu da huo'otaq qaica ca llalec, nache ca lqaỹa ishet da qaltaq huaroneguet aca llo'oxoua, da yaqto' huo'o naqa'en ca llalec som lqaỹa maye saqca, yaqto' saishet da deqat da le'enaxat.

Lucas 3:19

Nataqa'en iviraxato'ot so nta'a Herodes souaxat da huaroneguet aso Herodías, maye lhua so lqaỹa Filipo, qataq nataqa'en souaxat nam laỹepi ỹo'otpi maye sa ỹaỹamaxañi.

Ester 2:18

Ime nache so nta'a, ỹo'ot so lta'araic nquia'axac, qataq so na'ashaxac da yaqto' ỹo'oxoren aso Ester, nache icoyeguen 'enauac so nta'alpi, qataq ltauapi da lo'onataxanaxac, qataq nquigaxaañi ye lcata aso lsheetenaxanaqte so netalec so 'alhuapi maye ilotague', qataq ỹanec so qalota lachetaqtaxanaxatpi, ipagaqchiichigui da 'eetec da lsoxoyec ca nta'a.

Mateo 14:3

Cha'aye soua hua'au' na'axa'te co'ollaxa so Juan maye nachelaxanataxanaq 'eetega so Herodes, 'eeta': «¡De'era 'auo'ot ỹataqta sa ỹaỹamaxañi! Cha'aye añi Herodías maye lhua so 'arqaỹa Felipe, añimaye 'auotaxanec, nache 'auauo'o 'arhua.» Nache so Herodes dalemataỹa so Juan, nache damaxasoxoolec da qaỹaconeua'a, nache qaicoñerai' qoỹanaigui aso ncoñetaxanaxaqui late'erai.

Mateo 14:7

Nache ỹanem asomaye da la'aqtac da ipacchigui da ỹanem cam camachaqca iỹaxanaique asomaye.

Marcos 6:14

So Jesús ỹataqta imauec da qaỹauatton, ivira'a so nta'a Herodes Antipas da hua'aqtapeguelec Somaye. Huo'o na 'eetega da So Jesús, nacheso so Juan maye nachelaxanataxanaq da ỹoltaq nca'alec, nache qalota na ỹo'ot na'anec maye sa qaỹauanapega.

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Lucas 13:31

Qaq nacheso se'eso na'a'q da huo'oi soua nvildeuo, chegoqraigui na fariseopi. Nache da'aqtaxaarem So Jesús, 'eetra': –Qoca'ai qome ne'ena, ten ñi Herodes ỹauotaique damaxasoxoolec da 'am qaỹalauat.

Lucas 23:7

Qaq co'ollaq mashe qaỹa'aqtaxanem da Somaye chegaqa'a ye 'alhua Galilea, nache so Pilato ỹamaxa so nta'a Herodes maye ilotague' ye 'alhua Galilea, cha'aye somaye nataqa'en hueta'a ye Jerusalén se'eso na'a'q.

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Hechos 12:1

Qaq se'eso na'a'q, nache so nta'a Herodes Agripa, maye ilotague' na judiopi, damaxasoxoolec da qaỹaconeua'a qataq sa qaiyacnapec na ỹa'amaqten So Jesús.