Mateo 14:5 - La'aqtaqa Ñim Lo'onatac 'Enauacna 2013

⁵ Qaq so Herodes huotaique da ỹalauat so Juan. Qalaxaye sa ỹañoxot cha'aye huo'o da lcolanaxa na shiỹaxauapi. Cha'aye qalota na ỹa'amaqten da so Juan ỹataqta 'eesa da la'aqtaxanaxanec Ñim Lo'onatac 'Enauacna.

Nuevo Testamento Toba Sur

⁵ Nachi so Herodes huotaique da ÿalauat so Juan. Qalaxayi huo'o da lcolanaxa na shiÿaxauapi, cha'ayi namayipi 'eetega da so Juan ÿataqta 'eesa da l'aqtaxanaxanec ñi Dios.

Nuevo Testamento Toba Sombrero Negro

⁵ Herodes, jo'ne jetaque yalat ñe'me Juan, jalcote t'oiyapega ga'me jiyaĝadipi, qa'a ena'uaque joga'me 'yamaqate'n queda'me Juan nach'eñe Dios 'laqataĝanaĝanec.

Mateo 14:5 Referans Kwoze

Mateo 21:26

Qataq huo'o da qarcolanaxa da shenaqapec da choche shiỹaxaua ca ỹami' da la'añaxac so Juan, cha'aye 'enauac na shiỹaxauapi ỹataqta ỹa'amaqten da somaye la'aqtaxanaxanec Ñim Lo'onatac 'Enauacna.»

Mateo 11:9

Qaq ¿chaq negue'to' som qami' qaumeenaxañiitapeuga? ¿Peta'a la'aqtaxanaxanec Ñim Lo'onatac 'Enauacna somaxa? Aja', ỹoqta 'eesa na'aqtaxanaxanec. Qaq ỹoqta 'eesa da so Juan somaye ỹataqta napacalec cam la'aqtaxanaxanec Ñim Lo'onatac 'Enauacna;

Hechos 5:26

Nache som lta'a na huataxanaqpi qataq soua ltau' je'c da ỹaconeua'alo soua Jesús lamaxa'she, qalaxaye saishet da ỹapac da sa iyacna'ape, cha'aye huo'o da lcolanaqa' na shiỹaxauapi da dalemataỹalo soomaye, nache qaỹasa'q na coma'.

Hechos 4:21

Nache so nta'alpi maye nmit da huo'o ye nasouaxashet ỹataqta ỹareetegalo soomaye, qalaxaye ỹachaxaare'c. Cha'aye saishet da ỹanata cam qaỹachegoxotchigui da yaqto' qaiuaxa'n, cha'aye 'enauac na shiỹaxauapi ỹataqta ỹo'oxoreetac Ñim Lo'onatac 'Enauacna, souaxat de'era qanayeuaigui.

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.

Mateo 21:32

Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Jeremías 26:21

Qaq so nta'a Joaquim, qataq so ltauapi somaye qataq so nataxala'pi co'ollaq hua'aqchigui dam la'aqtac somaye, nache so nta'a huotaique da damaxasoxoolec da qaỹalauat. Qalaxaye so Urías co'ollaq ỹaỹaten de'era nache somaye huo'o da lcolanaxa, nache datauec taỹa ye Egipto.