Mateo 14:3 - La'aqtaqa Ñim Lo'onatac 'Enauacna 2013

^3-4 Cha'aye soua hua'au' na'axa'te co'ollaxa so Juan maye nachelaxanataxanaq 'eetega so Herodes, 'eeta': «¡De'era 'auo'ot ỹataqta sa ỹaỹamaxañi! Cha'aye añi Herodías maye lhua so 'arqaỹa Felipe, añimaye 'auotaxanec, nache 'auauo'o 'arhua.» Nache so Herodes dalemataỹa so Juan, nache damaxasoxoolec da qaỹaconeua'a, nache qaicoñerai' qoỹanaigui aso ncoñetaxanaxaqui late'erai.

Nuevo Testamento Toba Sur

³ Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Nuevo Testamento Toba Sombrero Negro

³ Qa'a Herodes damaĝajoĝolegue ca'li qaedi qoyecoñe' ñe'me Juan qama'le qoyanetaue jaga'me coñetaĝanaĝaiqui. Ya'uo da'me dojo' qa'a yajouaĝatem jañe'me Herodías, loua ñe'me lanoqolec Filipo,

Mateo 14:3 Referans Kwoze

Marcos 6:17

Cha'aye so Herodes Antipas huaroneguet co'ollaxa aso Herodías maye lalamaqte lhua so lqaỹa Filipo, qaq so Juan co'ollaxa iviraxato'ot so Herodes, 'eeta' da la'aqtac: «Saishet da ỹaỹamaxañi da 'auauo'o 'arhua añi lalamaqte lhua so 'arqaỹa.» Qaq de'era ỹataqta inogoqchet aso Herodías, ỹoqo'oye, nache chegoqchiguiña da huo'o da lhuennataxac da ỹalauat so Juan da huo'o ca llegueuo. Qalaxaye so Herodes nda'a't da damaxasoxoolec da qaicoñerai' somaye da qoỹanaigui aso ncoñetaxanaxaqui late'erai.

Mateo 4:12

Qaq So Jesús co'ollaq la'axaỹaxac so Juan da qaicoñerai' qoỹanaigui aso ncoñetaxanaxaqui, nache Somaye taỹa ye 'alhua Galilea.

Marcos 6:22

Qaq co'ollaq ñaq deque'etac so shiỹaxauapi, nache aso llale aso Herodías, inoxoneua'a ca hueta'a somayepi, nache dasottac 'enauac da qaimeteetac. Nache so nta'a Herodes qataq so laỹepi shiỹaxauapi ỹataqta nqopita da lasotaxac asomaye, qaq ỹoqo'oye se'eso nta'a 'enapego' aso qa'añole, 'eeta': –Aỹem 'auỹaxanot maicheye cam 'auỹaxanaique, qaq aỹem 'am sami'.

Mateo 11:2

Qaq so Juan maye nachelaxanataxanaq netaigui aso ncoñetaxanaxaqui, somaye iviraua'a da ỹaỹaten 'enauac nam ỹo'otpi So Jesús, nache huo'oi soua ỹama'q som maiche lapaxaguenataqa da yaqto' ina't So Jesús, 'eeta':

Lucas 13:1

Qaq nachesoua se'esoua na'axa'te da huo'oi soua nvi't, nache da'aqtaxaatrapeguem So Jesús, da so nta'a Pilato ỹalecneguet na ltago'q so lalaatac shiỹaxauapi maye lma' ye 'alhua Galilea nam ltago'q som shiguiỹacpi, maye ỹauotaique da ỹavigaxat da lachetaqtaxanaxat.

Mateo 14:6

Qalaxaye co'ollaq ivita so laloqo' da deque'elec so lañoxoqui so Herodes, nache aso llale aso Herodías dasottac, qaq 'enauac som lquia'axauapi imeteetac asomaye. Nache so Herodes ỹataqta nqopita da lasotaxac asomaye.

Marcos 6:14

So Jesús ỹataqta imauec da qaỹauatton, ivira'a so nta'a Herodes Antipas da hua'aqtapeguelec Somaye. Huo'o na 'eetega da So Jesús, nacheso so Juan maye nachelaxanataxanaq da ỹoltaq nca'alec, nache qalota na ỹo'ot na'anec maye sa qaỹauanapega.

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Lucas 13:31

Qaq nacheso se'eso na'a'q da huo'oi soua nvildeuo, chegoqraigui na fariseopi. Nache da'aqtaxaarem So Jesús, 'eetra': –Qoca'ai qome ne'ena, ten ñi Herodes ỹauotaique damaxasoxoolec da 'am qaỹalauat.

Lucas 23:7

Qaq co'ollaq mashe qaỹa'aqtaxanem da Somaye chegaqa'a ye 'alhua Galilea, nache so Pilato ỹamaxa so nta'a Herodes maye ilotague' ye 'alhua Galilea, cha'aye somaye nataqa'en hueta'a ye Jerusalén se'eso na'a'q.

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Hechos 12:1

Qaq se'eso na'a'q, nache so nta'a Herodes Agripa, maye ilotague' na judiopi, damaxasoxoolec da qaỹaconeua'a qataq sa qaiyacnapec na ỹa'amaqten So Jesús.