Mateo 14:23 - La'aqtaqa Ñim Lo'onatac 'Enauacna 2013

²³ Qaq co'ollaq mashe 'enauac da jec so shiỹaxauapi, nache So Jesús ndotec da tasheguemec aso qaỹoqotcheguemec 'alhua, da yaqto' nqouagaxauen. Nache hueta'a yemaye da nqouagaxaueetac choche ivitta'a da pe.

Nuevo Testamento Toba Sur

²³ Qaq co'ollaq ime da lcoyiguenataxanaxac, nachi so Jesús tashiguemec aso saqaÿoqotchiguemec 'alhua, da yaqto' ndoteec da natamen. Qaq co'ollaq mashi pe, nachi so Jesús ñaq huetashiguemec yi'iyi 'alhua.

Nuevo Testamento Toba Sombrero Negro

²³ Mane'e ca'li joote ena'uaque yep'iye'tape, Jesús yec'adije'ma ga'me qajoĝonaĝa qaedi netamen da'me yejamaq. Ca'li yovida'aguet ga'me pi'yaq, maliaĝa ue'ta ga'me, onolac ñe'me,

Mateo 14:23 Referans Kwoze

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Marcos 6:46

Qaq co'ollaq ime da ncoyegueetague' somayepi, nache jec da tasheguemec aso qaỹoqotcheguemec 'alhua da nqouagaxauen.

Mateo 26:36

Qaq co'ollaq ime, nache So Jesús qataq soua lapaxaguenataqa je'c da nqo'oora ye 'alhua le'enaxat Getsemaní, huaña nache 'enapegalo soomaye, 'eeta': «Qoviỹa'a ne'ena, Aỹem, qalaq saicra'atai' da ñeqouagaxauen.»

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Hechos 6:4

Qaq qomi' qalaq ñalemaxasoqteguet da so'onataxanaqtacot Ñim Lo'onatac 'Enauacna qataq da qanqouagaxaunaxac qataq da sa'axataqtac da la'aqtac Ñimaye.

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Marcos 1:35

Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Lucas 3:21

Qaq co'ollaq so Juan imat da nachelaxaatac 'enauac so shiỹaxauapi, nache anac nataqa'en So Jesús da yaqto' qanachelaxan. Qaq So Jesús co'ollaq ña nqouagaxaueetac, nache na piguem nauatoigui,

Lucas 5:16

Qalaxaye So Jesús, nache 'eetai' naxa da nmittaique cam huaña da ishet da 'oonolec da yaqto' nqouagaxauen.

Lucas 9:18

Huo'o so huaña, nache So Jesús nqouagaxaueetac 'oonolec, nache soua lapaxaguenataqa ivildeuga ca hueta'a Somaye. Nache So Jesús inatta'apo' soomaye, 'eeta': –¿Ca 'eetec naxa ca la'aqtac na shiỹaxauapi da Aỹem na'aqtaxaatapigui?