Mateo 14:19 - La'aqtaqa Ñim Lo'onatac 'Enauacna 2013

¹⁹ Qaq co'ollaq mashe ime da 'enapega na shiỹaxauapi da nso'ooñi, nso'oolec na 'auaqpi darala, nache So Jesús ỹaconalo soua cincole nauole 'ayiiña qataq soua dos nỹaxaye, ime, nache ỹamato'ot na piguem, nache ỹanot da na'achecỹaxac Ñim Lo'onatac 'Enauacna. Ime, qaq ncolaxaayiñi soua nauole, nache ỹanema soua lapaxaguenataqa da yaqto' soomaye ỹanoigui so shiỹaxauapi.

Nuevo Testamento Toba Sur

¹⁹ Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Nuevo Testamento Toba Sombrero Negro

¹⁹ Chane'eja yamaĝalegue ga'me jiyaĝadipi qaedi ñichidiñe, nedalegue ga'me lolelaĝai. Yem qama'le yaconalo ga'me cincole paan nataq'aen dojolqa niya' qama'le yajoĝolo'te da'me lajelaĝanaĝac nataq'aen yecolaĝatapiyelo gaa'me paan, yanouelo joga'me lapaĝaguenataqa qama'le jogaa'me yanouelo joga'me jiyaĝadipi.

Mateo 14:19 Referans Kwoze

Lucas 24:30

Nache co'ollaq mashe nso'ootrañi soomaye da datatralec so nquia'axala', nache So Jesús ỹacona aso nauole 'ayiiña da nqouagaxaueelec. Ime, nache ỹanoiguilo soomaye.

1 Samuel 9:13

Qaq qom choche qaviyiiua'a yemaye nache qanmichiỹaique camaxa, qom saxanaxa da tasheguema ye qaỹoqotcheguema atamnaqa' da yaqto' deque'e, cha'aye na shiỹaxauapi saishet da deque'e da saxanaxa da qaila'a da nvi' camaye, cha'aye nacheca naxa cam nqouagaxaueelec na nachetaqtaxanaxatpi, qaq da ime, nache cheta'ague da deque'e nam qaicoyeguenpi da yaqto' huanaxauapi. Qaq ỹoqo'oye nache qoqui nagui yaqto' qaviyiỹalec qome.»

Hechos 27:35

Qaq co'ollaq 'enapec de'era so Pablo, nache ỹacona aso nauole, nache ỹaatacot da na'achec Ñim Lo'onatac 'Enauacna, ỹauaachigui 'enauac somayepi. Ime, nache ncolaxaañi aso nauole, nache deque'e.

Marcos 6:41

Ime, nache So Jesús ỹaconalo soua cincole nauole qataq soua dos nỹaxaye, nache ỹamato'ot na piguem da ỹanot da na'achec Ñim Lo'onatac 'Enauacna. Ime, nache icolaxachiguilo soua nauole, nache ỹanoiguilo soua lapaxaguenataqa, da yaqto' soomaye ỹanoigui so shiỹaxauapi, qaq nache 'eetec nataqa'en soua dos nỹaxaye.

1 Corintios 11:24

Nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole, nache 'enapeco': «Qolliqui ne'ena; nachena na maiche ỹapat maye taỹa'a da qoỹaneuo da qami' qanqouagueque. Qaq da ivita da qolliqui, nache qaltaq qauennache Aỹem.»

Romanos 14:6

Nam iuennatega da huo'o ye na'a'q maye saq 'ena'am na laỹepi, qalaq 'onaxaic da ỹo'ot damaye da yaqto' ỹo'oxoren Ñim Lo'onatac 'Enauacna, qataq nam camachaqca ca chec qalaq nataqa'en ỹo'ot damaye, qalaxaye nataqa'en naigui da ỹo'oxoren Ñim Lo'onatac 'Enauacna, qataq ỹaatacot da na'achecỹaxac Ñimaye. Qaq nache 'ena'am nataqa'en nam ndotec ana nañiguishe laue da chectac ỹo'ottac damaye, cha'aye souaxat da ỹo'oxoreetac Ñim Lo'onatac 'Enauacna qataq ỹaatacot da na'achecỹaxac Ñimaye.

Colosenses 3:17

Qataq 'enauac nam qauo'oche huo'otaq cam qanasaqaiuec, ỹachaxan da ỹataqta 'eesa da qoquiitague' Som Qarataxala' Jesús. Qataq qaỹa'añiitacot da qana'achecỹaxaqui Ñim Lo'onatac 'Enauacna chegoqchigui dam qami' ỹo'oteque So Cristo.

1 Corintios 10:16

Da lquia'axac So Qarataxala' naxa da ñeỹomaxagui aso ỹomaxaqui qataq da seỹaxanaqot Ñim Lo'onatac 'Enauacna da ỹaalec da lqouagaxanaqtaic, nache 'enauac da shenaqta ñeuanaqaua'a da ltago'qỹaxac So Cristo. Qataq naxa da ñecolaxataxañi aso nauole da sacheguenaq, nache nataqa'en ñeuanaqaua'a da lo'ocỹaxac So Cristo.

Lucas 9:14

cha'aye namayepi napacalec ca cinco mil shiỹaxauapi ye lcata. –Qalaxaye So Jesús 'enapegalo soua lapaxaguenataqa, 'eeta': –Qoñiỹapega namayepi da nso'ooñi, ỹottecache qanqa'eñi cincuenta na huaxaỹa't.

Marcos 7:34

Ime, nache ỹamato'ot na piguem, nache ñaxaayishegue'm naua la'a'che, nache 'enapego' somaye, 'eeta': «¡Efatá!» Damaye naigui da 'eeta': «¡Nauatre'c qome naua ntela lauaco!»

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

Juan 6:23

Qaq huo'oi soua lỹa't nllocta, chegoqra'a ye Tiberias, nvira yem saqaỹapeque yem huaña co'ollaq qanallecta'ape soua nauole, co'ollaq ime da ỹan da na'achec so Nataxala'.

Marcos 6:39

Nache So Jesús 'enapega 'enauac so shiỹaxauapi da nso'ooñi huaxaỹapega't naqa'en, nso'oolec na 'auaqpi darala.

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Lucas 9:16

Nache So Jesús ỹaconalo soua cincole nauole qataq soua dos nỹaxaye. Ime, qaq ỹamato'ot na piguem, nache nqouagaxaueeleguete soomaye. Ime nache ncolaxaayiñi, nache ỹanema soua lapaxaguenataqa, da yaqto' soomaye ỹanoiguilo so shiỹaxauapi.

Mateo 14:18

Nache So Jesús 'enapeco': –Ñaq Aỹem qandoiua'alo caamaye.

Lucas 22:17

Nache ỹacona asom ỹomaxaqui. Ime, nache ỹanot da na'achec Ñim Lo'onatac 'Enauacna. Qaq co'ollaq ime, nache 'eeta': –Qauacoñiiguet ana'ana ỹomaxaqui, nache qanỹomiigui. Ime, nache ñi 'oonolec da qoñiita ỹami' ca lỹa.