Mateo 14:11 - La'aqtaqa Ñim Lo'onatac 'Enauacna 2013

¹¹ nache qaỹachagui so nquia'axaqui, ime nache qairouga aso qa'añole, nache asomaye ỹami' aso late'e.

Nuevo Testamento Toba Sur

¹¹ Nachi qandouo so nqaic, qaÿachitagui so nqui'axaqui. Nachi qoÿanem aso qa'añole. Qaq asomayi ÿami' aso late'e.

Nuevo Testamento Toba Sombrero Negro

¹¹ yem qanach'e qoyachañgui ga'me coqui, qama'le qoyanem jaga'me q'añole, nataq'aen jaga'me yanem jaga'me lat'e.

Mateo 14:11 Referans Kwoze

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Ezequiel 35:6

Qalaxaye Aỹem Nataxala' maiche ñañan da san da ỹa'aqtac, da 'am saneguet qome ca nleuaxa, nache que'eca nleuaxa 'am icaateguiñi' qome. Cha'aye 'arasouaxashet da huo'o da nleuaxa, nache de'era nleuaxa 'am icaateguiñi' qome.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Proverbios 29:10

Na laataxanaxaicpi qataq qauemaicpi ỹaỹemec nam nalochiguiñi da lataxac, qataq huotaique da ỹalauat na no'on da lataxac.

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Mateo 14:8

Nache aso Herodías ỹañoxot da ỹamaxalec aso llale da 'enapega so Herodes da 'eeta': «¡Sauotaique da sa 'auaỹaloxon nagui da aỹem 'andouga ca nquia'axaqui da huetagui 'anqa'en ca lqaic ca Juan maye nachelaxanataxanaq!»

Mateo 14:10

Nache so lamaxashecpi taua'a aso ncoñetaxanaxaqui da iquesoxouec so lqaic so Juan,

Mateo 14:12

Nache soua lapaxaguenataqa so Juan taua'alo da yaqto' irouec so lo'ocỹaxac somaye da ilayiñi. Qaq co'ollaq ime, nache je'c da da'aqtaxaarem So Jesús dam qanayeuaigui.