Mateo 13:54 - La'aqtaqa Ñim Lo'onatac 'Enauacna 2013

⁵⁴ Nache co'ollaq ivita ye maiche lalamaxat lma'. Huaña, nache dapaxaguenataxan co'ollaq huaigui aso napaxaguenaxaqui na judiopi. Nache so shiỹaxauapi ỹataqta huo'o da la'aalaxa nache, 'eeta': «¿Hua'ague ca ỹachegoxota'ague da laỹaanec dam da' ỹale? ¿Ca 'eeteco' damaye da ishet da ỹo'ot nam sa qaỹauanapega?» Qataq huo'o na 'eeta':

Nuevo Testamento Toba Sur

⁵⁴ nachi taÿa yi maichi lalamaxat lma'. Huaña, nachi dapaxaguenataxaatapoigui aso laponaxaqui na judiopi yi'iyi 'alhua. Nachi na shiÿaxauapi ÿataqta huo'o da l'aalaxa, nachi 'eeta': –¿Huá'ague ca ÿachigoxota'ague da laÿajnec dam da' shiÿaxaua? ¿Chaq huá'ago' ca 'eetec yi ishit da i'ot nam sa qaÿauanapega?

Nuevo Testamento Toba Sombrero Negro

⁵⁴ qama'le yovita di'me 'uaechiñe 'naleua, ua'a da'me yachiyoĝochichi'ña da'me lapaĝaguenataĝanaĝac nale yec'atalo joga'me judiopi lemaĝaiqui' 'me neda'ña ga'me. Ga'me jiyaĝadipi yoqochetapeguem, enapega't: —¿Jach'e ga'me chiyoqota'ague yema ga'me yayaten? ¿Toqoch'e yaqanatet da'me yauo'oe naajo' lanoqotaĝanaĝaco 'me joqochaqatapeguema?

Mateo 13:54 Referans Kwoze

Mateo 7:28

Qaq So Jesús co'ollaq imat da la'aqtaxanaxac, nache 'enauac so shiỹaxauapi maye na'axaỹaxaatega ỹataqta huo'o da la'aalaxa da lapaxaguenataxanaxac Somaye,

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Salmos 22:22

Qaq aỹem sa'axatem qome da 'are'enaxat na ỹaqaỹañicpi, qataq 'am sho'oxoreetac qom lapoota'a't namayepi.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Juan 1:11

Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

1 Samuel 10:11

Qalaxaye 'enauac som nale'ena da ỹauatton somaye, co'ollaq ỹauaachigui da dasottac ỹalectaigui so na'aqtaxanaxanecpi, nache maiche detaqtega't, 'eeta': «¿Chaq 'eetec de'era huaigui da Saúl dam llalec so Cis? ¿Peta'a nataqa'en na'aqtaxanaxanec?»

Lucas 2:47

Nache 'enauac nam na'axaỹaxaatega So Jesús ỹataqta huo'o da la'aalaxa souaxat na laỹaanec, qataq da ỹasateguet da lnataxanaxac somayepi.