Mateo 13:5 - La'aqtaqa Ñim Lo'onatac 'Enauacna 2013

⁵ Qaq aso laỹepi lañiguishe ala, qalaq taalec som 'alhua maye ỹalliigui na coma'. Nache saqaỹaloq da ñaxat na trigo, cha'aye saq qaỹaña souaxat da ỹaguec na coma'.

Nuevo Testamento Toba Sur

⁵ Qaq aso lÿa languishi, qalaq tajlec som 'alhua mayi huaigui na coma'. Nachi asa'aso nanguishi saqaÿaloq da ñaxat, souaxat da saq 'amaqtaq na 'alhua.

Nuevo Testamento Toba Sombrero Negro

⁵ Jaga'me lae tachi'ña ga'me qadijat, jo'ne ja jalcote ga'me aleua; jaga'me peta paja'a najeguem qa'a ja qaya'ñgui ga'me aleua;

Mateo 13:5 Referans Kwoze

Ezequiel 11:19

Aỹem ñeqat qome añi lquiyaqte maye qaramchigui 'eeta'am ca coma', nache sanem aca dalaxai lquiyaqte maye huesota.

Ezequiel 36:26

nache qami' sanaiguilo aca dalaxai nquiyaqte, qataq ca dalaxaic saqcha'a nca'alaxa. Nache ñeqateeguesopa qami' ana nquiyaqtepi maye ỹataqta qaramchigui 'eeta'am ca coma', nache qami' sanaiguilo aca nquiyaqte maye ỹataqta huesota.

Mateo 13:20

Qaq aso nañiguishe ala maye tatelec som 'alhua maye ỹalliigui na coma', qalaq asomaye naigui na shiỹaxauapi maye na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, nache saqaỹaloq da ỹasateguet qataq ỹataqta lta'araic da ntonaxac.

Zacarías 7:12

Qataq ỹa'añaxachigui añi lquiyaqte, 'eeta'am naqa'en ca coma' maye le'enaxat diamante, da yaqto' saishet da na'axaỹaxana da napaxaguenataxanaxac, qataq nam namaxasoxonaxacpi, maye Ñim Nataxala' maye Qaica ca Ỹaqalanapec ỹachegoxotchigui so Saqcha'a La'añaxac, da ỹa'aqtaxanaxan co'ollaxa so hua'au la'aqtaxanaxanecpi. Qaq ỹoqo'oye Ñim Nataxala' ỹataqta dalemata,

Amós 6:12

Qaq ¿isheto' peta'a na caipi da nqalgoqtalec na coma'pi? Qataq ¿isheto' peta'a na nauegaxanaxala' huacapi da na'ayisheguem na coma'pi? ¡Cha'aye da no'on lataxac nmeneguet qanqa'eñi dam lataxac maye qanlem! ¡Qataq da alaỹaxac da nalochiguiñi lataxac qalaq ỹataqta chem qanqa'eñi!

Mateo 13:4

«Huo'o so ỹale huenoxonec da ỹaañi ana ala na trigo. Qaq co'ollaq mashe danaxaatac, nache huo'o aso lañiguishe ala taalec so nqa'aic. Qaq co'ollaq qaỹata'ague, nache anac ana qoỹopi, nache chec aso lañiguishe alapi.

Mateo 13:6

Qalaxaye aso nañiguishe sa qaỹa'ague da lca'alaxa cha'aye qaicaua caua lpa'aye qataq ỹavic co'ollaq nnoxoosheguem añi nala'.

Marcos 4:5

Qaq aso lỹa lañiguishe ala tatelec so 'alhua maye ỹaguec na coma', qaq na 'alhua qalaq saq 'amaqtaq. Qaq souaxat da na 'alhua ye saqaỹangui, nache saqaỹaloq da ñaxat aso nañiguishe.

Marcos 4:16

Qaq aso nañiguishe ala maye tatelec so coma'sat, qalaq naigui nam na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, nache saqaỹaloq da ỹaconeguet qataq lta'araic da ntonaxac.