Mateo 13:47 - La'aqtaqa Ñim Lo'onatac 'Enauacna 2013

⁴⁷ Nataqa'en da lo'onataxanaxac Ñim Lo'onatac 'Enauacna, damaye 'eeta'am ca naleguec maye qaỹalliguingui aca auaxai, nache ỹataqta ỹalecta't nam lalliiguishec nỹaqpi.

Nuevo Testamento Toba Sur

⁴⁷ Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Nuevo Testamento Toba Sombrero Negro

⁴⁷ “Nataq'aen da'me lejaliaĝa joñe'me Dios ena'am ga'me 'uaĝanaĝanaĝat nale qoyijaĝañgui ga'me noĝop qama'le yodapecache ga'me yapetena't niyaqapi.

Mateo 13:47 Referans Kwoze

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Apocalipsis 3:1

«'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Marcos 1:17

Nache So Jesús 'enapegalo', 'eeta': «Aỹem qauca'acheegue, yaqto', nache tachiguiña da qaya'acoxoqui, nache Aỹem qami' sapaxagueneque da lataxac, da yaqto' ishet da qanaviquiiua'a Aỹem na shiỹaxauapi.»

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

2 Corintios 11:26

Qataq ỹataqta qalota da sequeuotac, qataq ñauane' da sa'axasoxootapigui na talapi sa seren da ñachaalataxac, qataq nataqa'en sevira'a naxa da hua'c da aỹem qaicachiỹa da huo'o ca qoỹeetec da ñachaalataxac, nataqa'en da lchec da sootaigui na maiche ihuo' le'ecpi, nataqa'en da sootaigui na saishet da ihuo' le'ecpi. Qataq ñauane' nataqa'en da lchec da sootaigui na qalota nỹecpi, nache 'ena'am da hualec na no'onaxa, qataq ana auaxai. Qataq ñauane' da lchec nam 'eetega qarqaỹañicpi, qalaxaye tenataxanaxaicpi.

Hechos 20:30

Qataq ivira'a da qoñiita, huo'o qome ca maiche qami' chegoqtoiguilo qara'amqaanataxanaxauai, nache dapaxaguenataxanec na choche natenataxanaxac, qaq saishet da ỹa'axat cam ỹoqta 'eesa, cha'aye nshetaique da na 'amqaanataxanaxaicpi ca'ategue qataq ỹalaxaguet camaye.

Mateo 4:19

nache So Jesús 'enapegalo, 'eeta': «Aỹem qauca'acheegue. Yaqto' nache tachiguiña da qaya'acoxoqui, nache Aỹem qami' sapaxagueneque da lataxac da yaqto' ishet da qanaviquiiua'a Aỹem na shiỹaxauapi.»

1 Corintios 11:19

Qaq damaye iuen da nache 'eetec, yaqto' yo'oq na ỹoqta 'eesa da ca'attague' So Cristo.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Ezequiel 47:10

Qaq chegoqchiguiña ye Engadí nache ivira ye Eneglayin da huo'o qome ca ya'acoxoicpi, qataq nache huaña yemaye da iqaxaỹaxat na laleguecpi. Qaq yemaye nache huaña na ỹataqta qalota qataq ỹotta'a't nỹaqpi, 'eeta'am na nỹaqpi maye huetangui aso auaxai Mediterráneo.

Mateo 13:44

Da lo'onataxanaxac Ñim Lo'onatac 'Enauacna, damaye 'eeta'am aca laỹe' ana anom maye qoỹoxotoigui ca 'alhua. Qaq huo'o so shiỹaxaua ilalec asomaye. Nache qaltaq ỹoxooñi, ipagaqchiichiguiña ca lma'. Nache ỹataqta lta'araic da ntonaxac, nache ỹe'eguelaq. Ime, nache imen 'enauac nam logoxoshetpi, nache desheenaxana se'eso 'alhua, da yaqto' lalamaqte aso anom.

Mateo 13:46

Qaq da huo'otaq ỹanata aca 'oonole maye ỹataqta qalota da lashiichiỹaxac, nache ỹe'eguelaq. Ime, qaq imen 'enauac na logoxoshetpi, nache desheenaxana asomaye.

Mateo 13:48

Qaq da mashe nlaxagui que'eca naleguec, nache cam ya'acoxoicpi iro'ota na loigue ca 'etaxat. Huaña, nache qanso'oñiisop da qanatogui na nỹaq. Nache nam no'on qaỹachagui aca laỹe', qaq nam qauem, qalaq qaỹalatec.