Mateo 13:42 - La'aqtaqa Ñim Lo'onatac 'Enauacna 2013

⁴² Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Nuevo Testamento Toba Sur

⁴² Ime, nachi namayipi ÿasaxangui qome aca laÿi' na nodec. Huaña, nachi noÿiitac qataq ÿataqta inaga't naua lhue da nqui'ic.

Nuevo Testamento Toba Sombrero Negro

⁴² Qoyijaĝadoue jaga'me nec'atoĝonaĝaiqui jo'ne edetañgui, qama'le 'uo da'me lachitatai'j choqoda'me noyenaĝa'j.

Mateo 13:42 Referans Kwoze

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Salmos 21:9

qaq nache 'auachaigui aca nqatelaxanaxaqui maye 'ettaigui, qom ivita da 'anachaxan da yaqto' 'anmit 'enauacna. Ñim Nataxala', de'era lalemataic nmatchiguiñi qome namayepi ỹauota'a ca norec maye nlaxaañi 'enauacna.

Apocalipsis 9:2

Qaq co'ollaq asomaye da ỹauatoigui so lasom so ñegueuo maye taỹaña ca ncoñetaxanaqa', nache chegoqchiguingui se'eso auac so 'eeta'am na lmala'q ana late'erai nqatelaxanaxaqui, qaq se'eso lmala'q, nache napalñi naqa'en, cha'aye ỹapolec añi nala'.

2 Samuel 23:7

Qaq da huo'o ca ỹacoosop qalaq ỹauota'a ca lcat, huo'otaq aca lataquiaxai. Nache ỹasaxangui ca norec da yaqto' ỹavic.»