Mateo 13:35 - La'aqtaqa Ñim Lo'onatac 'Enauacna 2013

³⁵ Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

Nuevo Testamento Toba Sur

³⁵ Qaq 'eetec de'eda, cha'ayi yaqto' ishit da ipacchigui da ÿiyiñi co'ollaxa so l'aqtaxanaxanec ñi Dios, mayi 'eeta': Sa'aqtaxan, qalaxayi sauota'a na ÿaloqnaxanaxatpi; sa'axat nam sa ishit da qaÿaÿaten ca lataxac chigoqta'a co'ollaq chita'ague da i'ot ana 'alhua ñi Dios.

Nuevo Testamento Toba Sombrero Negro

³⁵ Dojo' eeta qaedi yepaquetelo'te ga'me jo'ne joote 'yaĝatetac di'me Dios 'laqataĝanaĝanec ca'li enaac: “Jauo'oe gaa'me yaloqotenaĝanaĝaiqui' da'me ja'aqataĝatac; ja'aĝa'tape gaa'me uo'oe jo'ne jalchi'ena ja di'yo't chiyoqo'teguet ca'li yemta Dios ye'et jena'me aleua.”

Mateo 13:35 Referans Kwoze

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

1 Corintios 2:7

De'era naỹaanec maye sa'axataqtac, damaye naỹaanec saqcha'a maye chegoqo'ot Ñim Lo'onatac 'Enauacna. Damaye nachera da ỹapogoñi laỹaanec Ñim Lo'onatac 'Enauacna maye iqataxanai' co'ollaq saxanaqaca ana 'alhua qataq da huotaique ỹachaxan dam ñeuanaqaua'a da llo'oxoyec maye chochaq tatec.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Isaías 42:9

Ña qaumichiñi da ipacchigui nam sa'axata'a co'ollaxa, qaq nagui nache sa'axata'a cam dalaxaic lataxac, nache qami' saỹaanaxanaxaneque nagui, da ñaq saxanaxa da yo'oq.»

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Mateo 13:14

Yaqto' ỹataqta ipacchigui co'ollaxa dam ỹa'axat Ñim Lo'onatac 'Enauacna chegoqchigui naqa'en so la'aqtaxanaxanec le'enaxat Isaías co'ollaq, 'eeta': «Ne'ena shiỹaxauapi, na'aictaxa da hua'aqtac, qalaq saishet da ivira da ỹaỹaten; qataq na'aictaxa da demeenaxatac, qalaq 'eeta'am da saishet da nauaañi.

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

Apocalipsis 17:8

Se'eso shiguiỹac leguemaxaic maye 'auauaachigui, nacheso so 'oonolec maye nca'altauec co'ollaxa, qalaxaye nagui mashe saqca. Qaq somaye qaltaq nnoxoosheguem qome da chegaqaña cam laponqa' na leuaxaicpi, qalaxaye nachaqrata da yaqto' ima da qailaxachigui. Qaq na shiỹaxauapi maye huetalec ana 'alhua nam saishet da qoỹettaua'a acam lmalate nam qanca'alaxatecpi chegoqchiguiña co'ollaq saxanaxa da qaỹo'ot ana 'alhua, namayepi ỹataqta huo'o da la'aalaxa qom ỹauaachigui se'eso shiguiỹac leguemaxaic maye nca'altauec co'ollaxa, qalaxaye mashe saqca, qalaxaye qaltaq ỹe'eguelaxalec da nca'alec.

Lucas 10:14

Qaq ỹataqta 'eesa de'era qami' sa'axatema da que'eca na'a'q qom qanmit 'enauacna, qalaq qami' ỹactec ca qauacoñiiguet qanhuaxanaguiiqui, saq 'ena'am yeemaye.

Hechos 15:18

'Era da la'aqtac Ñim Nataxala' maye ỹa'axatta'a co'ollaxa de'era soua hua'au' vi'iye.

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Mateo 5:2

Nache Somaye dapaxaguenataxan, 'eeta':

Mateo 13:3

Nache So Jesús ỹataqta qalota na dapaxaguenataxanec, ỹauota'a na laloqnaxanaxatpi, nache ỹauo'o da daloqnaxana, 'eeta':