Mateo 13:33 - La'aqtaqa Ñim Lo'onatac 'Enauacna 2013

³³ So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Nuevo Testamento Toba Sur

³³ Nataq'en ÿauo'o so lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ÿashiidaxachigui ana pan mayi ÿacona aca 'alo. Ime, nachi ÿalecneguet ca lta'adaic lvigoxoshic trigo lsochi mayi ivi' yi lcata da tres qanaloqten, da yaqto' 'enauac ÿashiidaxachigui.

Nuevo Testamento Toba Sombrero Negro

³³ Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

Mateo 13:33 Referans Kwoze

Gálatas 5:9

Qaica ca iqoleguet da huo'o ca 'oonolec saq 'en napaxaguenataxanaq da camaye na'aqchet 'enauac da napaxaguenataxanaxac.

Lucas 13:21

Damaye 'eeta'am peta'a aca ỹasheeraxachigui ca ndaqñiguishec maye ỹacona aca 'alo. Ime, nache ỹasaxaigui ca ldaqñiguishec, nache acamaye ima da ỹasheeraxachigui 'enauac cam ndaqñiguishec.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

Génesis 18:6

Nache so Abraham pa'aigui so lpe'l, nache 'enapego' aso Sara, 'eeta': «¡'Auỹalapigui' qome! 'Auacona ca veinte kilos cam ỹataqta no'on 'ayiiña, nache 'auraqten, nache 'auo'ot aca 'arauolepi.»

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Filipenses 1:9

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac,

Filipenses 1:6

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Marcos 13:20

Ñim Lo'onatac 'Enauacna ỹataqta ỹauotec na lca'aguishecpi, qaq ỹoqo'oye que'eca na'a'q maye huaigui que'eca que'eenaxac saq qaỹauec. Cha'aye da saishet taxa da nache 'eetec de'era, nache saishet da huo'o ca lca'alaxaic.

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Jueces 6:19

Nache so Gedeón queuo, nache ỹaỹamaxaañi so quetaq llalec, qataq ỹachangui aso 'amaqtaqchigui naco'oña so 'ayiiña maye qaica ca ỹasheeraxachigui lalegue, nache ỹo'ot aso nauole. Ime, nache so lapat ỹachangui aso nallec laỹe no'oxona qataq som lli'i somaye ỹachangui aso taxaqui, nache ỹache 'enauac se'eso da irouga se'eso ale piguem le'ec maye neto'ot asa'aso qo'oipaq late'erai da yaqto' ỹanem somaye da lachetaqtaxanaxat.

1 Samuel 1:24

Qaq co'ollaq mashe ỹaxaañi da l-llepaxac so nogotolec, qalaxaye somaye ñaq qapio'olec, nache ỹauegueua'a aso atamnaxaqui maye lalamaqte Ñim Nataxala' maye naña ye Silo. Nataqa'en ỹauegueuo so huaca llalec maye mashe ivi' soua tres vi'iye, qataq so veinte litro so 'ayiiña, qataq aso 'oonole lo'oc na shiguiỹac nlaqchigui so lataxa.

2 Samuel 13:6

Nache so Amnón, nnalec co'ollaxa so lmala' ỹe'enaxat da sano'on. Qaq co'ollaq nvireuo so nta'a da namaqtega somaye, nache so Amnón 'enapega, 'eeta': «¡Aỹem 'anqouaguec qome da 'auasheeta da aỹem naua'a aca ỹaqaỹa Tamar, da yaqto' huaña ne'ena da ỹo'o't caua dos nauole, nache aỹem iquia'axan.»