Mateo 13:3 - La'aqtaqa Ñim Lo'onatac 'Enauacna 2013

³ Nache So Jesús ỹataqta qalota na dapaxaguenataxanec, ỹauota'a na laloqnaxanaxatpi, nache ỹauo'o da daloqnaxana, 'eeta':

Nuevo Testamento Toba Sur

³ Nachi somayi ÿataqta qalota na dapaxaguenataxanec, huota'a na laloqnaxanaxatpi, 'eeta': –Huo'o so shiÿaxaua jec da danaxan, ÿaañi aso languishi ala.

Nuevo Testamento Toba Sombrero Negro

³ Chane'eja qayoĝode' gaa'me 'yaĝatema e'n tauelo jogaa'me laloqotenaĝanaĝaiqui', enaac: “'Uo ca'li ñe'me jiyaĝaua ec qaedi danaĝan.

Mateo 13:3 Referans Kwoze

Marcos 4:13

So Jesús 'enapeco': «Da sa qauaỹaañiguet aso saloqnaxaatega nañiguishe ala, nache ¿ca 'eeteco' da ishet da qauaỹaañiteguet na laỹepi ỹaloqnaxanaxatpi?

Marcos 4:33

So Jesús dapaxaguenataxanec da na'aqtaxanaxac maye ỹa'axat da lo'onataxanaxac Ñim Lo'onatac 'Enauacna, ỹachegoxotchigui na qalota daloqnaxanapi, nam ishet da ỹaỹateeteguet na shiỹaxauapi.

Mateo 13:53

So Jesús co'ollaq imat ne'ena laloqnaxanaxatpi maye ỹa'axattac, nache ca'ai ye hueta'a.

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

Juan 16:25

Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Lucas 12:41

Ime, nache so Pedro denataxan, 'eeta': –'Am Qarataxala', de'era 'aualoqnaxana ¿peta'a ndotre'c qomi' da qomi' tachiguilo, huo'otaq nataqa'en 'enauac nam hueta'a ne'ena?

Lucas 8:10

Nache So Jesús 'enapeco': –Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna. Qalaxaye nam laỹepi shiỹaxauapi, namayepi da sapaxaguen qalaq sauo'o na saloqnaxana. Qaq ỹoqo'oye na'aictaxa da demeenaxatac qalaq 'eeta'am da sanauaañi, qataq na'aictaxa da hua'aqtac, qalaxaye 'eeta'am da saishet da hua'aqa.

Marcos 12:1

'Era dam 'oonolec nam laloqnaxanaxatpi So Jesús naxa da ivita da ỹapaxaguen na shiỹaxauapi, 'eeta': «Huo'o so ỹale ỹauo'o so lanaxanaqa' maye nanqa' ana uva. Ime, nache mpaxateua'a, qataq ỹo'ot aso no'onataxaqui da qaỹo'ot na lataxa, qataq ỹo'ot aso nalloxolate da yaqto' ishet da qaỹalletalec 'enauac se'eso nanaxanaqa'. Qaq co'ollaq ime, nache huo'o so ỹa'aalaxanaxanec da do'onataxaalec naqa'en se'eso lanaxanaqa'. Nache somaye jec.

Marcos 3:23

Nache So Jesús iỹaxano' somayepi, nache ỹauo'o de'era daloqnaxana, 'eeta': «¿Hua'ago' ca 'eetec ca lataxac da so pa'aguenataxanaxaic da maiche no'orela't?

Mateo 24:32

Qanapaxagueñiỹa qome da lataxac ana higo lcheyec. Da anamaye da ivita da ñaxatec ana lcouepi qataq dalaxai ana lauepi, nache qami' qauaỹaañi da mashe saqaỹapigui naua nta'api.

Habacuc 2:6

Qalaxaye 'enauac nam ỹotta'a't shiỹaxauapi maye noxonecpi co'ollaxa, namayepi choche ỹe'eetac nam doxonaxanpi co'ollaxa, nache do'onaxaatai' qome, 'eeta': ¡Choxoraicolec 'am maye 'ausalligui nam saishet da 'aralamaxatpi! Qaq ¿chaq laguio' da 'axaañi da 'alapootasheguem da nsallaxa maye choche 'ara'aalec?

Miqueas 2:4

Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Ezequiel 17:2

«'Am shiỹaxaua 'aua'aqtaxanem qome na nhuo' Israel le'ecpi, 'auauota'a ca 'araloqnaxanaxat.

Mateo 22:1

So Jesús qaltaq ỹe'eguelaxalec da ỹauo'o so daloqnaxana co'ollaq datata'aguet so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som lataxala'pi na judiopi qataq so chegaqaigui na fariseopi, 'eeta':

Mateo 13:4

«Huo'o so ỹale huenoxonec da ỹaañi ana ala na trigo. Qaq co'ollaq mashe danaxaatac, nache huo'o aso lañiguishe ala taalec so nqa'aic. Qaq co'ollaq qaỹata'ague, nache anac ana qoỹopi, nache chec aso lañiguishe alapi.