Mateo 13:25 - La'aqtaqa Ñim Lo'onatac 'Enauacna 2013

²⁵ Qalaxaye co'ollaq 'enauac da do'ocheta somayepi, nache anac som npa'aguenaxaua. Nache ỹaañi aso huoue le'enaxat cizaña maye 'eeta'am na trigo. Ime, nache jec.

Nuevo Testamento Toba Sur

²⁵ Qalaxayi co'ollaq 'enauac da do'ochita somayipi, nachi anac som ipa'agueetac so lalamaxat se'eso nanguishic. Nachi ÿaañi aso huoue mayi 'eeta'am na trigo da ÿanoigui somayi. Ime, nachi jec.

Nuevo Testamento Toba Sombrero Negro

²⁵ Qalaĝaja ca'li ena'uaque t'oche'tape jogaa'me, novi' ga'me lauteua, qanach'e yalequeteneguet ga'me lanec jo'ne trigo da'me yajaĝañi jaga'me peta laqaya jo'ne ja no'en, lenaĝat cizaña. Yem qama'le ec.

Mateo 13:25 Referans Kwoze

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Mateo 13:39

som ỹaalec aso qauem huoue ana 'alhua. Qaq da qanqat na ala so trigo, qalaq naigui qom ivita ca laloqo' da qanmit 'enauacna, qaq som 'onataxanaxaicpi maye nqattac ana ala na trigo, qalaq nachena na lamaxashecpi Ñim Lo'onatac 'Enauacna.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Mateo 25:5

Qaq cha'aye ỹataqta qaỹaloqteguet se'eso auonaxaua, nache se'esoua diez qa'añole soomaye huo'o na lo'ochaqa' nache do'oche'.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Mateo 13:26

Qaq co'ollaq mashe ñaxat so trigo, qataq mashe huo'o ana ala, huaña, nache so 'onataxanaxaicpi noma da nataqa'en aso huoue maye le'enaxat cizaña da ñaxat.

Mateo 13:27

Nache somayepi jec da da'aqtaxanem so lalamaxat se'eso nanaxanaqa', 'eeta': ‹'Am qana'aco', da 'am 'aỹa'aañi aso no'on ala na trigo co'ollaxa, qalaq ¿ta'ainco' da ñaxat nataqa'en ana huoue maye le'enaxat cizaña?›

Mateo 13:29

Qalaxaye somaye 'enapeco': ‹¡Saishet! Ten da qanapoqui ana huoue, nache ishet da l-llasheguemgue' na trigo, cha'aye naamaye 'eeta'a't.

Mateo 13:30

Qom ivita ca laloqo' da ñeqataq ana ala na trigo, nache huaña da seỹotaqauga na trigo qataq ana huoue maye le'enaxat cizaña. Ñaq qauaqaita'alo ne'enaua dos da ñaxa't. Qom ivita que'eca laloqo' da qanqat ana ala, nache samaq na ỹo'onataxanaxanecpi da yaqto' hua'auñi da napoc ana huoue maye le'enaxat da cizaña, qataq laỹona't da ỹavigaxat. Ime, nache laỹona't na trigo, nache ỹachaigui ñi ỹaponaxanaxaqui. Nache aỹem samaxalec qome ca ỹo'onataxanaxanecpi da ỹa'auaxaañi da nqateua'a ana huoue. Ime, qaq ỹauo'o ana laqtapi da yaqto' ỹavigaxat. Qaq da ime, nache ỹaỹamaxat na trigo da ỹachaigui ca ỹaponaxanaxaqui.›»

1 Reyes 3:20

Qaq co'ollaq ilalec da ileu se'eso llalec, nache aramaye ñisheguem so laiñi so pe, nache ỹacona so ỹalec maye ỹauatañi' co'ollaq so'ocheta, nache ỹachaua'a na ỹaỹe so llalec maye mashe ileu.