Mateo 13:22 - La'aqtaqa Ñim Lo'onatac 'Enauacna 2013

²² Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Nuevo Testamento Toba Sur

²² Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Nuevo Testamento Toba Sombrero Negro

²² Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

Mateo 13:22 Referans Kwoze

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Mateo 13:7

Qaq aso laỹepi lañiguishe ala, qalaq taalec so nache 'eetai' naxa da lañaxataqa' ana huoue maye huo'o ana le, nache asom ỹaxat co'ollaq ñaxatsheguem nache ipataxañi aso nañiguishe, nache saishet da ỹashenem da no'on da lañaxataxac.

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Salmos 52:7

«Ña qauloỹa ñim saishet da nmitaique, da ỹe'eguenot Ñim Lo'onatac 'Enauacna, nacherata da pe'etega da lta'araic lsallaxa, qataq nache queto'ot da lle'etaxaloxo.»

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Jeremías 4:3

Ñim Nataxala' 'enapega na shiỹaxauapi maye netaña ye Judá qataq ye Jerusalén, 'eeta': Qana'ayiisheguem qome nam 'alhua maye saxanaxa da qoỹanaxaalec, nache saishet da qaltaq qa'anaxañiỹoigui ana ỹaxat.

Proverbios 11:28

Qaq ca pe'etega da maiche lsallaxa qalaq naañi 'eeta'am ana deqaqta laue ana qo'oipaq. Qaq ca no'on da lataxac qalaq ñaxatec 'eeta'am ana lcoue ana qo'oipaq.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Hechos 8:18

Nache se'eso Simón ỹauaachigui da So Saqcha'a Na'añaxac Qui'itta da ỹaconeguet so shiỹaxauapi co'ollaq soua Jesús lamaxa'she ỹashel-leguete somayepi. Nache somaye ỹachaxanapecoto aso alom soua namaxa'she,

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Mateo 13:39

som ỹaalec aso qauem huoue ana 'alhua. Qaq da qanqat na ala so trigo, qalaq naigui qom ivita ca laloqo' da qanmit 'enauacna, qaq som 'onataxanaxaicpi maye nqattac ana ala na trigo, qalaq nachena na lamaxashecpi Ñim Lo'onatac 'Enauacna.

Mateo 13:40

Qaq de'era 'eetec da qanapoc aso huoue maye qauem qataq qaỹavigaxat, damaye nache 'eetec qome Ñim Lo'onatac 'Enauacna da nmit 'enauacna.

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

1 Corintios 1:20

Qaq nagui ¿hua'ague ca hueta'ague ca ỹaanaxanaxaic, huo'otaq ca dapaxaguenataxaateguec ana la'aqtac lmalate Ñim Nataxala' maye Lo'onatac 'Enauacna? Cha'aye da naỹaanec maye lma'na, damaye choche 'eco' 'oopashec naqa'en Ñim Lo'onatac 'Enauacna.

1 Corintios 2:6

'Eesa da nataqa'en qomi' setaxasoxoiguilo naua na'aqtaqa ỹaanaxanaxaiqa, qalaxaye seuenaq naamaye da sa'aqtaxanaxam nam mashe ỹe da lpi'iỹaxac. Qaq de'era naỹaanec saishet da lma'na, qataq saishet da chegoqo'ot na nta'alpi maye huetalecna, nam taỹa'a da imeuo.

1 Corintios 2:8

Qaq ỹoqta 'eesa da lhuennataxac Ñim Lo'onatac 'Enauacna da saishet da ỹaỹaten nam damaxasoxonapecpi maye lma' ana'ana 'alhua. Cha'ayectaxa da ỹaỹaten, nache saishettaxa da ỹalauat so ỹo'oxoraic Qarataxala' da iuaxaneguet so npe'enaxaqui Som lalamaxat da achaalataxac.

1 Corintios 3:18

Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.